As Sub-16 do CH Coruña, campioas da Copa Federación de Clubs estatal

O CH Coruña e o CH Pabellón foron a representación galega na 16ª Copa Federación de Clubs Sub-16 e Sub-18 de halterofilia. Desta competición chegan a Galicia un ouro, dúas pratas e un bronce. As rapazas do club herculino Sub16 proclamáronse campioas e entre delas, a haltera coruñesa Vega García acadou a mellor puntuación individual de todas as participantes desta competición estatal. Cabe salientar que as Sub-16 do CH Coruña (CHC) foron quen de vencer pese a ausencia, por confinamento, dunha das súas compoñentes habituais.

📸🏋️‍♀️ O equipo sub-16 do Halterofilia Coruña que se proclamou campión na Copa Federación!! Levando ao máis alto ao @ConcelloCoruna 🥇👏👏 pic.twitter.com/sUQxTbepHC

— A Coruña Deportes (@coruna_deportes) February 28, 2021

O pavillón Cerro Almodóvar de Vallecas, en Madrid, foi o escenario esta fin de semana da 16ª Copa Federación de Clubs Sub-16 e Sub-18 de Halterofilia. Nesta competición de carácter estatal participaban representantes galegas dos clubs CH Coruña e CH Pabellón (Ourense). Trátase do primeiro acontecemento deportivo da tempada. Os mellores clubs españois presentaban á competición ás súas canteiras que competían por equipos.

Esta competición está considerada coma un campionato de España de clubs para categorías de base. Poden participar na cita unicamente os oito primeiros equipos clasificacos na Liga Nacional Escolar do ano previo noas catro categorías que se disputan. E dicir, acuden un total de 20 equipos. As categorías en liza son Sub-16 masculino e feminino e Sub-18 masculino e feminino.

Clasificaron combinados o CH Coruña e o CH Pabellón

No caso de Galicia tiñan obtido a clasificación para estar nesta cita estatal seis equipos:

1. CHC Sub-16 feminino A
2. CHC Sub-16 feminino B
3. CHC Sub-18 feminino
4. CH Pabellón de Ourense Sub-18 feminino
5. CHC Sub-16 masculino
6. CHC Sub-18 masculino

Logo da competición, o resultado do concurso dos combinados de halteras galegos foi a seguinte:

CATEGORÍA SUB-16 FEMININA

1. CH Coruña A (Galicia)
2. Terhalter (Canarias)
3. Molins Cataluña)

As halteras do CHC B finalizaron a competición en sexta posición.

Foi moi destacable a competición que fixo a levantadora herculina Vega García, quen acadou a mellor puntuación entre todas as participantes deste campionato.

🏋️‍♀️ A coruñesa Vega, en acción!! Mellor puntuación individual na Copa Federación 🥇!! https://t.co/ZW7XPZL8OR pic.twitter.com/ztGwbqtfri

— A Coruña Deportes (@coruna_deportes) February 28, 2021

CATEGORÍA SUB-18 FEMININA

1. Molins (Cataluña)
2. ETH (Canarias)
3. CHC
4. Salamanca (Castilla-León)
5. CH Pabellon de Ourense (Galicia)

CATEGORÍA SUB-16 MASCULINA

1. San Fernando (Andalucía)
2. CHC (Galicia)
3. Molins (Cataluña)

CATEGORÍA SUB-18 MASCULINA

1. ETH ( Canarias)
2. CHC (Galicia)
3. Molins (Cataluña)

O haltera herculino Alejandro Méndez, conseguía a segunda mellor marcar invididual entre todos os participantes desta Copa Federación de Clubs Sub-16 e Sub-18 de halterofilia.