- O Club Halterofilia Coruña participou con éxito na Copa Soroksár con dúas halteras femininas e dous masculinos.
Budapest, a capital de Hungría acollía á 25ª edición do tradicional Trofeo Internacional Copa Soroksár de Halterofilia. Esta vez participaron equipos de 13 países, entre eles houbo unha delegación do Club Halterofilia Coruña, formada por 4 deportistas, dous masculinos e dúas femininas.
Os nosos e as nosas representantes foron considerados como aspirantes ao triunfo en varias categorías e non nos defraudaron. Participaron en tres categorías e gañaron en dúas delas, quedando subcampión na terceira.
Os resultados das e dos deportistas do Club Halterofilia Coruña na Copa Soroksár foron os seguintes:
Categoría masculina junior:
- Tiago Larramendi (CH Coruña) campión con 319 puntos Sinclair.
- Segundo o húngaro Ferenc Csordas con 280 e terceiro Kart Viks de Estonia con 265 puntos respectivamente
Categoría feminina senior:
- Noelia Garcia (CH Coruña) é campioa con 214 pts
- Subcampioa Giovanna Ulloa (CH Coruña) con 213 e a maltesa Kaya Curmi con 97 un puntos.
Categoría masculina senior:
- Alejandro Méndez subcampión con 313,50 puntos.
- O campión foi o letón Cristians Adzans con 313,53 puntos e o terceiro o alemán Maxim Smirnov con 296 puntos.
- Tiago Larramendi estableceu records de Galicia Juniors na categoría de 61 kgs. As súas marcas foron 94 – 114 – 208 kgs nas modalidades de Arrancada, Dous Tempos e Total Olímpico respectivamente.
