O presidente da Federación Galega de Atletismo, Isidoro Hornillos, facía entrega en Ourense á mediofondista galega Solange Pereira dunha placa en recoñecemento á súa traxectoria como deportista. O estadio ovacionou á atleta que, segundo destacaba Hornillos, “representa os valores do atletismo”. O presidente da federación destacou, nomeadamente a súa “humildade, traballo e sacrificio”, máis aló dos “seus logros deportivos”.
A disputa na fin de semana do Campionato de España de Pista cuberta desenvolto en Ourense, non deixaría indiferente a ninguén. Os que tiveron o privilexio de poder asistir e presenciar en directo o expectacular campionato, poideron sentir, vivir e palpar en vivo todo o rebulir de emocións vividas en cada unha das apaixoantes probas e concursos disputados no sintético de Expourense, onde os nosos e as nosas atletas contribuirían a dar máis intensidade a cada un dos instantes do máxico evento deportivo.
Sen lugar a dúbidas un deses instantes, tal e como informa a FGA, foi o momento no que o presidente da Federación Galega de Atletismo Isidoro Hornillos facía entrega a Solange Pereira con todo e estadio ovacionando, dunha placa como recoñecemento, admiración e gratitude a toda a súa traxectoria deportiva defendendo as cores da camiseta da Selección Galega e aportanto toda unha serie de valores que fan desta atleta unha das máis queridas e admiradas polo atletismo galego.
O propio presidente da FGA indicaba que “máis alá dos excelentes e grandes logros deportivos, Soli Pereira representa todos aquelos valores que o atletismo encarna e transmite comezando pola súa humildade, seguindo pola seu traballo e sacrificio, e rematando co seu firme compromiso cara un atletismo e unha selección galega á que sempre estivo disposta a axudar”.
Solange Pereira, de Valença a Galicia, pasando por Canarias
Lembramos que Solange Pereira naceu na localidade portuguesa de Valença, mudándose de moi nova a Canarias lugar onde apostaría polo atletismo e comezaría a súa andaina con ficha insular.
Logo duns anos asentada en Cangas, faría ficha por Galicia onde deixaría unha pegada moi forte entre atletas e afeccioados/as, volvendo novamente este ano ós seus orixes.
A mediofondista sería internacional en 11 ocacasións, representando a España nos pasados mundiais de Londres no 2017. Ademáis delo acadaría o título de campiona de España nas probas de Milla en Ruta e 1.500 m. en sete ocasións (da categoría sub 23 ata a absoluta) logrando en Ourense a pasada fin de semana o bronce nos 1.500 m.