Entre das incorporacións do Durán Maquinaria Ensino para esta campaña 2021-22 está a pivote portuguesa Sofía da Silva. A deportista, na súa primeira comparecencia ante os medios lucenses non escondía que a Eurocup Women “é algo que nos atrae a todas”.
Tal e como explicaba Sofía da Silva, a través desa competición o Durán Maquinaria Ensino poderá “levar o nome de Lugo por Europa”.
Para a pivote estar baixo as ordes de Miguel Ángel Ortega é unha boa nova. “Por fin chegou ou momento de coincidir con Miguel Ángel Ortega, tras varios intentos errados chegamos ao mesmo equipo co Ensino”, explicaba a xogadora. Algo que refrendaba o técnico do conxunto galego: “É certo que tiven interese en Sofía da Silva cando estaba noutros equipos. Agora está connosco e seguro que imos gozar co seu xogo consistente e próximo ao aro, ademais do seu bo tiro desde 4-5 metros”, adiantaba o adestrador.
Sofía da Silva: “Seremos un equipo guerreiro e moi competitivo”
A deportista lusa explicaba que lle gusta “moito o equipo que temos, non hai unha figura ou estrela, pero todas achegamos e seremos un equipo guerreiro e moi competitivo. Iso seguro”.
