Ata trinta e sete regatistas de toda Galicia participarán durante esta fin de semana na XXI Semana Náutica da bahía coruñesa. A proba, clasificatoria para a competición galega, está organizada polo Real Club Náutico nas clases Optimist, 420, Láser e Finn. En total, acudiran 110 deportistas á cita.
A clase con maior presenza será a Optimist, con 22 de 60 regatistas femininas, que se dividirá en tres grupos. Segundo informa o club organizador, Ilca terá tres modalidades (4,6 e 7), e o planel completarase coas tripulacións no 420 e as finalistas.
Na Semana Náutica haberá dous campos de regatas, un deles próximo á costa de Mera e destinado ás probas Optimist, Láser e 420. O segundo terá lugar na praia de Bastiagueiro e a boia da Guisanda, situada na entrada da baía coruñesa, con forma de castillete e cunha luz vermella que ten un alcance nocturno dunhas 5 millas.
Ambos campos serán visibles desde a costa para que o público poida seguir as competicións.
Durante o sábado, o campionato da Semana Náutica dará comezo ás 13:55 horas e a xornada do domingo dará comezo ás 11:00 horas. A entrega de premios terá lugar ás 17:00 horas nas instalacións da Escola de Vela do Náutico, fronte ao castelo de San Antón.
A Escola de Vela do Náutico fomenta a concienciación ambiental
Dentro das actividades de formación ambiental impulsadas pola Escola de Vela do Náutico, un grupo de dez estudantes desprazouse á praia de Santa Cristina para realizar a recollida de materiais no areal. O grupo foi dirixido por Irene Rodríguez, adestradora e adxunta no staff do club.
Estas actividades forman parte complementaria da Escola de Vela, onde as participantes aprenden a navegar á vez que respetar a cultura medioambiental ao longo do ano, xa que é obrigatorio para que o Náutico coruñés disponga da Bandeira Azul e a Q de Calidade.
