Só un punto separa ao Autos Cancela Zalaeta e ao CV Sestao na táboa clasificatoria da Superliga Femenina 2 de voleibol. Ocupando a sexta e quinta praza respectivamente, ambos conxuntos enfrontaránse o sábado, 19 de decembro, ás 19:00 horas no polideportivo do Barrio de las Flores da Coruña.
Este duelo será o partido que poña punto final á primeira volta e o conxunto gañador pode situarse moi preto do podio, o posto se vencen de tres e o R.G.C. Covadonga perde.
Ambos combinados chegan nunha situación moi igualitaria, co mesmo número de sets a favor e en contra para cada un dos equipos. Unha vitoria máis de dous para o Sestao e unha derrota dun punto máis para o Zalaeta son das poucas diferenzas que se poden apreciar na clasificación.
Ver esta publicación en Instagram
Nas últimas xornadas, o cadro dirixido por Jorge Barrero ven de alternar vitorias e derrotas, aínda que non coñece o triunfo desde hai dúas semanas, cando se impuxeron ao Torrelavega 1895. Desde entón, suman unha derrota ante o RGC Covadonga e outra co Extremadura Arroyo, ambos equipos do máis alto da categoría.
O Sestao, pola súa banda, estivo a facer unhas xornadas máis regulares, con cinco vitorias consecutivas que se viron freadas na última cita ante o Covadonga. O acerto da súa xogadora Oihane Gutierrez como atacante e bloqueadora será algo a ter en conta para as galegas.
Quirós e Figueroa, base no ataque do Zalaeta
Al menos na área dos puntos directos, a coruñesa Alba Quirós é superior. Nesta tempada leva anotados 23 aces fronte aos 17 da vasca e é a máxima anotadora do conxunto. No posto de mellor atacante, as do Sestao sitúanse por diante, cos máis de 70 puntos deste curso de Gutiérrez fronte aos máis de 40 de Carla Figueroa para as herculinas.
Sen dúbida, este duelo será un partido moi disputado e igualado, que permitirá rematar a primeira volta cun espectáculo do voleibol no Barrio de las Flores.
As restricións sanitarias permiten público para este encontro, pero cun aforo limitado. As persoas interesadas en asistir poden enviar un correo a administracion@voleibolzalaeta.gal ata o venres 18, ás 20:00 horas.
Quen decidan non asistir ou prefiran seguir o duelo en streaming, poderán facelo na canle de Youtube do club coruñés.
