A ex deportivista Nuria Rábano colgou un vídeo na súa conta de Instagran con imaxes e fotos do seu paso polo RC Deportivo. A emotiva peza de vídeo, remata coa xogadora mirando a cámara e afirmando que “non hai nada como volver a casa”.
Foron varios os xestos que a ex xogadora branquiazul, que agora milita na Real Sociedad tivo coa cidade e o Dépor ABANCA amosando o seu cariño á Coruña e ao club, así como as boas lembranzas que garda do seu paso polo equipo herculino.
O vídeo foi tamén colgado na súa conta de Twitter pola futbolista. De volta a Instagram nesa rede social a futbolista publicaba nas súas stories unha fermosa foto da cidade da Coruña desde o aire, presumiblemente desde o avión que a trouxo de volta á cidade herculina onde conseguíu grandes logros con Dépor ABANCA como o ascenso á Primera Ibredrola. Na foto, nocturna, as luces da cidade coruñesa debúxanse ao carón dun ala de avión.
As chiscadelas á cidade na que residiu nos últimos anos quedaron patentes noutra publicación no seu apartado de stories en Instagram, así como na súa conta de Twitter.
A xogadora chega á Coruña para disputar a segunda xornada da Liga Iberdrola de fútbol feminino que enfronta ao seu actual equipo, a Real Sociedad, co Dépor ABANCA na Cidade Deportiva de Abegondo. O partido está fixado para mañá, domingo 11 de outubro ás 12:00 horás. Arbitrará o encontro a colexiada Verónica González Sánchez.