A Liga Iberdrola de fútbol feminino volta á Cidade Deportiva de Abegondo. A redonda volta rodar na casa das deportivistas que reciben mañá, domingo 11 de outubro ás 12:00 horás á Real Sociedade, arbitrará o encontro a colexiada Verónica González Sánchez. Nas filas do conxunto rival, unha ex xogadora branquiazul: Nuria Rábano. O raro do partido será ver as bancadas baleiras nun partido do RC Deportivo como local.
O protocolo de prevención da COVID-19 continúa a amosarnos esceas impensables en diferentes ámbitos da vida, se hai 5 meses chocaba ver alguén pola rúa con máscara, pensar nun partido do Dépor ABANCA na Cidade Deportiva de Abegondo sen público nas bancadas, sería outro rara avis se nolo din antes de hoxe.
Arteixo, Abegondo ou A Coruña, sempre acompañadas dunha afección incondicional
Nas últimas tempadas, os azos das seareiras e seareiros desde a bancada acompañaron, sen renderse no seu alento, ás deportivistas que adestra Manu Sánchez.
Primeiro foi no Ponte dos Brozos, en Arteixo, e logo na Cidade Deportiva de Abegondo e ata no Estadio Municipal de Riazor na Coruña. Elas e eles sempre estaban aí, con As Nosas deportivistas onde quera que estivese o que a afección deportivista chama #ANosaCasa, é dicir, a cancha de xogo habitual do equipo. Por iso, xogar sen público, como local, será unha sensación realmente extraña e complicada anímicamente para as galegas que seguro que se teñen preparado para o reto non so fisicamente, tamén no emotivo.
Chamaba a atención sempre aos equipos visitantes os cheos semana tras semana na cancha de Abegondo. As branquiazuis era a envexa de moitas. De feito, un dos argumentos nas fichaxes foi o ambiente incrible de festa do fútbol que acompañaba ao Dépor ABANCA nos seus partidos como conxunto local. Pero xogar a porta pechada é o que toca nestes tempos de coronavirus.
Como sucedáneo, para toda esa xente que adoece por voltar a berrar co seu alento de ánimo As Nosas deportivistas, o partido será ofrecido por GOL TV. Segundo explica o RC Deportivo na súa web: “a operadora de televisión achegará a todas/os as/os deportivistas e afeccionadas/os ao fútbol un partido que se disputará a porta pechada na Cidade Deportiva de Abegondo”.
Manu Sánchez: “A Real Sociedad é un grandísimo equipo que se ten reforzado moi ben”
Ante as de Guipúzcoa, o adestrador do Dépor ten claro que non valen as confianzas e alertaba en rolda de prensa aos medios: “Trátase dun grandísimo equipo que se ten reforzado moi ben”.
Entra Kenni na convocatoria de Manu Sánchez
Para este encontro, o adestrador galego, Manu Sánchez, decidiu convocar a un total de 19 futbolistas. É baixa por lesión Helena Torres que padece unha lesión “no vasto medio da súa perna dereita”, tal e como comunicaba o club coruñés.
Tampouco pode xogar Ainoa Campo que estivo cun adestramento específico estos días de atrás. Quen si entra desta volta é Kenni. Será a primeira vez coa elástica branquiazul para esta xogadora que é unha das fichaxes deportivistas desta tempada 2020-21.
Nas filas da Real Sociedad milita a ex deportivista Nuria Rábano. Sobre ela, o técnico local, que a coñece perfectamente como futbolista, declaraba estar “moi contentos de verlle continuar a súa carreira. A cita vai ser especial para ela. Vaise reencontrar con Abegondo e coas súas ex compañeiras. Será un partido diferente”, prognosticaba o entrenador Manu Sánchez.
Na primeira xornada de Liga o Dépor ABANCA colleitou unha derrota pola mínima en Lezama diante do Atlétic Club 2-1. Esta segunda xornada será o partido debú na Primeira Iberdrola 2020-2021 para a Real Sociedad, dado que o seu partido previsto para a primeira xornada, contra o Rayo Vallecano, tivo que ser aprazado.
Precisamente o pasado ano o partido en Abegondo entre a Real Socidad e o Dépor ABANCA tiña que se aprazado do 21 de decembro ao mes de febreiro por un temporal. O resultado naquela ocasión foi de empate a tres goles pero o adestrador galego recoñecía en rolda de prensa que tiña a sensación de ter perdido dous puntos. Foi un partido de mal recordo para Naikari e Alba Merino, tanto a visitante como a local tiñan que saír do partido lesionadas.
Natalia Arroyo: “Temos ilusión e emoción por empezar”
A adestradora da Real Sociedad, Natalia Arroyo, conta con case toda a plantilla á súa disposición pese a ter algunha futbolista con molestias como a dianteira Nahikari García. Afronta o choque con ganas. “Queremos empezar a tempada xa”, di. “Tenemos ilusión e emoción por empezar”, sinalaba en rolda de prensa adestradora.
Explica Arroyo que as vascas chegan ao “partido co Dépor con ese punto de ‘¡por fin!’. Xa temos a mochila cargada de ideas e queremos ver ata que punto imos ben. Temos feito unha pretempada moi seria, pese a adestrar sen ter ese estímulo dos partidos”, matizaba a preparadora.
Natalia Arroyo, adestradora da Real Sociedad: “O Dépor foi un dos rivais que máis me divertiu a tempada pasada”
A entrenadora da Real Sociedad tiña boas palabras para o RC Deportivo. En concreto, dixo que lle gustaba comezar “contra un dos rivais que a min máis me ten divertido a tempada pasada”, en referencia a o fútbol alegre que desplegaron as galegas na súa tempada de debú na elite.
Consultada sobre os cambios que supón a aplicación das medidas de prevención diante da COVID-19, sinalaba que todo “o protocolo supón unha ‘alteración’ da normalidade. Forma parte do desafía desta tempada que é distinta. Desafíanos esta situación a todos no fútbol e fóra del. Nós aínda non tivemos contratempos neste sentido”, dicía Natalia Arroyo.
A técnica catalá debutará como entrenadora txuri urdin na Primera Iberdrola contra o RC Deportivo Abanca, polo que esta cita de mañá, domingo 11, será moi importante por diferentes motivos.
Mariasun Quiñones, respeto do rival: “Será un partido intenso”
Mariasun Quiñones, xogadora da Real Sociedad, advertía en rolda de prensa que o equipo vasco está moi ilusionado “co gran reto” que teñen por diante esta tempada na que as súas aspiracións son altas. “Non nos pechamos a nada, temos novas xogadoras, staff e adestradora. Temos un reto apasionante xa que as tres primeiras escuadras entran en Champions o proximo ano. Contamos cun equipo novo ao que lle gusta competir e rendir ao máximo nivel”, explicaba.
Sobre o Dépor ABANCA a porteira dixo ter “Moitísimas ganas de empezar con este partido que da comezo a unha Liga que será longa e na que teremos que regularnos. O partido será intenso, sobre todo polas características do campo e polas xogadoras rivais. Plantexaremos o noso xogo, miraremos de gozar co balón e sufriremos cando non o teñamos. Son 90 minutos e non se pode gañar no arranque. O partido haino que ir madurando e dar pasos aos poucos. Logo, seguro que o partido se remata por decidir en detalles”.
Mariasun Quiñones, cancerbeira da Real Sociedad: “O partido será intenso, sobre todo polas características do campo e polas xogadoras rivais. Plantexaremos o noso xogo, miraremos de gozar co balón e sufriremos cando non o teñamos”
Mariasun Quiñones apuntaba tamén que neste choque coas branquiazuis as futbolistas da Real Sociedad terán a “oportunidad de demostrar o que temos traballado nesta pretempada”.
Logo do partido coa Real Sociedad, o Dépor ABANCA deberá visitar ao Espanyol, así que non teñen un arranque de tempada moi doado as pupilas de Manu Sánchez.
