Santiago Martínez, entrenador do HC Borbolla , ten os pés na terra e admite que a aspiración do equipo na máxima categoría do hoquei a patíns feminino español so pode ser a permanencia na elite. “Dende o principio obxectivo está claro, permanecer en OK Liga“, di.
Sabedor das diferencias entre as competicións autonómicas e a OK Liga, na que xa militaron as coruñesas de Monte Alto, advirte que o salto é “un cambio moi brusco e non coñecemos a categoría, porque a última vez que xogamos foi hai oito anos e dese equipo só queda unha xogadora”.
Santiago Martínez, adestrador do HC Borbolla: “é un cambio moi brusco e non coñecemos a categoría, porque a última vez que xogamos foi hai oito anos e dese equipo só queda unha xogadora”
O adestrador coruñés indica que este cambio “pode pode pasar factura, principalmente pola falta de experiencia na máxima categoría do hoquei sobre patíns” que teñen as actuais xogadoras do equipo galego.
O HC Borbolla teme pagar a novatada
Neste sentido, Santiago Martínez detalla que “de todo o plantel, só dúas xogadoras disputaron algún partido na OK Liga, pero cando tiñan 13 anos, na tempada na que o equipo descendeu. Polo que realmente, experiencia temos moi pouca, a novatada é moi fácil pagala e o ritmo é completamente diferente”, sentenciaba o preparador.
