- O CN Ponteareas colle a remuda do CN Galaico como representante galego na Primeira División estatal feminina de natación.
Do 21 ao 23 de decembor disputouse a XXXII Copa de España de Clubs de Natación de Primeira División na piscina do CN Santa Olaya, en Gijón. En representación de Galicia, participou CN Galaico en categoría feminina, non podendo permanecer nesta categoría e descendendo á Segunda División a tempada que ven. Pola contra, ascende de cara á próxima tempada a Primeira División Nacional o CN Ponteareas feminino, que acadou no quinto posto na clasificación xeral de Segunda División Nacional, segundo informa a Federación Galega de Natación.
Máis de 70 equipos femininos de todo o estado disputaban esta competición no seu novo formato, con diversas sedes autonómicas, buscando unha das seis prazas de ascenso que daban acceso á primeira división. Unha vez unificados os resultados, o equipo feminino do CN Ponteareas obtivo a 5º posición, alcanzando por primeira vez na súa historia unha praza para ascender a Primeira División e estar, polo tanto, entre os 24 mellores equipos do estado.
Un mérito, alcanzar a Primeira División estatal, que tan só uns poucos equipos de Galicia gozaron, dando idea do mérito que supón.
A próxima tempada as mulleres do club do condado debutarán e ademais serán as únicas galegas nesta categoría.
O equipo do CN Ponteareas está formado polas nadadoras Iria Lemos, Sofía Carballo, Carla Faro, Carla Carrón, Alba Ortiz de Guinea, Sara Ibáñez, Naiara Eijo, Inés Borge e Naroa Estévez. O bloque de deportistas competirá, entre outros, contra equipos de capitais de provincia, como Madrid ou Málaga, con longas traxectorias e notables recursos, que contan nas súas filas con nadadoras internacionais de diferentes países e potentes canteiras.
Pola contra o CN Galaico non conseguía manter a categoría pese a que as súas nadadoras acadaron mellores marcas persoais e mínimas estatais na cita de Gijón.
Ver esta publicación en Instagram
