O Durán Maquinaria Ensino pasou de ter encamiñado o partido ante o Cadi La Seu ata o terceiro cuarto a afundirse totalmente no cuarto e definitivo. As galegas encadearon erros e non suberon repoñerse do golpe quedando noqueadas ante un rival que non desaproveitou a ocasión de anotar parciais que desvirtuaron totalmente o marcador no tempo definitivo de xogo.
As galegas do Durán Maquinaria Ensino empezaron mandando no xogo e na pista do Pazo o seu partido contra o Cadi La Seu. Sen estridencias, pero con solvencia, as xogadoras do equipo lucense adxudicáronse o primeiro cuarto cun marcador de 17-15. E tamén o segundo cun parcial de 28-22 que colocaba o encontro ao descanso cun marcador favorable ás locais de 45-37.
A partir de aí o equipo empezou a baixar o nivel. Aínda aguantou o tirón no terceiro cuarto, pese a que xa cedeu o triunfo parcial ás catalás (12-17), no global do partido o Durán Maquinaria Ensino seguía indo por diante: 57-54.
⏰ FINAL 3C en el Pazo‼️‼️‼️
Vamos a por los últimos 10 minutos….
🏆 Jornada 16 #LFEndesa @EnsinoLugoCB 5⃣7⃣@sedisbasquet 5⃣4⃣
📸Rebeca Fernández#VamosEnsino #ActitudRío pic.twitter.com/cWrVlxZydx
— Ensino Lugo (@EnsinoLugoCB) January 8, 2023
O Cadi La Seu pásalle por riba ao Ensino no cuarto definitivo
E logo pasou o que non tiña que pasar. O conxunto lucense afundiuse totalmente e non soubo recompoñerse ante diferentes erros nos que caeu. Un parcial de 5-27 no último período fixo que un partido no que foron máis tempo por diante no marcador cas súas rivais, finalemente se lles fose ás galegas por un marcador 62-81. Deste xeito o Durán Maquinaria Ensino botaba por terra todo o traballo feito nos tres primeiros períodos (sobre todo nos dous primeiros) de xeito incomprensible.
FICHA TÉCNICA
62) DURAN MAQUINARIA ENSINO (17+28+12+5): Ane Olaeta (2), Alba Prieto (21), Laura Aliaga (6), Margaret Roundtree (8), Paula Ginzo (17) – quinteto inicial -. Tamén xogaron: Lorena Segura (-), Ester Castedo (8) e Lydia Giomi (-).
81) CADÍ LA SEU (15+22+17+27): Stephanie Watts (19), Georgina Bahí (-), Laura Peña (18), Jewel Tunsull (13), Paula Strautmane (5) – quinteto inicial -. Tamén xogaron: Bojana Kovacevic (2), Laia Raventós (3), Montse Brotons (-), Elise Ramette (10), Júlia Soler (9) e Ariadna Pujol (2).
PARCIAIS: 17-15; 45-37; 57-54 e 62-81.
EQUIPO ARBITRAL: Eric Carrera Rosdevall, Jesús Marcos Martínez Prada e Cristina Adán Rodríguez.
INCIDENCIAS: Partido correspondente á 16ª xornada da Liga Femenina Endesa disputado no Pazo Dos Deportes de Lugo.
