O Centro Galego de Tecnificación Deportiva de Pontevedra (CGTD) acolle o choque entre CB Arxil e Extremadura Miralvalle Plasencia desta xornada. O partido está fixado para as 19:30 horas de hoxe sábado 13 de febreiro a porta pechada polas restricións aplicadas pola Xunta de Galicia para frear a curva de transmisión da COVID-19. Arbitrarán o choque os colexiados Romina Marchiano Ucelli e Samuel Martínez Covelo.
O cadro local que dirixe Maite Méndez non ten unha semana tranquila. Ás lesións do equipo únense as restricións de horarios de adestramento ante os axustes horarios das seccións deportivas do CGTD.
Para Lino Vázquez, integrante do corpo técnico do CB Arxil, “unha das causas de que non podamos ter continuidade esta tempada, é que desde o minuto uno non puidemos adestrar con tranquilidade e que estivésemos obrigados sempre a cambiar a planificación e o traballo”.
Lino Vázquez, CB Arxil: “Unha das causas de que non podamos ter continuidade esta tempada, é que desde o minuto uno non puidemos adestrar con tranquilidade e que estivésemos obrigados sempre a cambiar a planificación e o traballo”
En opinión de Vázquez, o partido de hoxe sábado 13 de febreiro “debe servir para volver ser o equipo sólido que fomos durante todo o mes de xaneiro. Atoparémonos en pista con equipo no que destaca sobre todo un cinco de calidade. O traballo de equipo é o que pode levar ao Arxil á vitoria tanto no aspecto ofensivo como no defensivo. Como extras do partido, dicir que volverá ser a porta pechada e que segue a sombra da dúbida sobre a participación de María Lago”.
Así é o rival do CB Arxil desta xornada
O equipo cacereño, que ocupa a cuarta posición na táboa clasificatoria da LF2, debuta na categoría froito da ampliación da mesma. É un equipo que se reforzou moito nesta a súa primeira andaina en LF2 e cun persoal curto de rotación.
“Destacan as súas xogadoras interiores, que son moi físicas. Utilizan unha alero que tamén é moi atlética con boa man así como dous exteriores moi dinámicas, polo que o seu xogo é alegre”, explica Lino Vázquez. “Recentemente incorporaron como fichaxe á uruguaia – italiana Chagas que só xogou un partido”, engade.
As súas xogadoras máis importantes son: Princess Aghayere, de nacionalidade nixeriana, que se atopa agora mesmo no Top-4 de valoración no grupo con dobres díxitos (16-11), a americana Robertson e a camerunesa Weledji apoiadas polas españolas Ainsa e Cova.
Lino Vázquez, CB Arxil, salienta do Extremadura Miralvalle Plasencia: “As súas xogadoras interiores, que son moi físicas. Utilizan unha alero que tamén é moi atlética con boa man así como dous exteriores moi dinámicas, polo que o seu xogo é alegre”
Posiblemente a clave vai estar en “o ritmo de xogo que se impoña e no rebote dada a súa capacidade neste aspecto do xogo. Arxil debe recuperar a intensidade defensiva desde o minuto 1 e mellorar as porcentaxes de tiro e de perdas de balón”, argumenta o membro do corpo técnico do CB Arxil, Lino Vázquez.
O partido poderá seguirse pola Canle da FEB
Plantilla do Extremadura Miralvalle Plasencia 2020-21
- 0- Andrea Cueva del Río. 16.5 mins, 6 pts e 3.1 rebs.
- 1.- Sofía Ainsa Lluch. 26.5 mins, 8,2 pts e 2.2 asist.
- 4.- Stacia Robertson. 32 mins, 14 pts. e 6.7 rebs.
- 8.- Rosa Garrido Macías. 5 mins, 0.6 pts, e 0.6 rebs.
- 9.- Natalia Pizarro Ovejero. 6.5 mins, 0.5 pts e 1.7 rebs.
- 10.- Alicia Morales Sancho. 36.7 mins, 9.7 pts 3 rebs. e 4.7 asist.
- 17.-Chagas, Luciana 10 mins. e 0pts
- 11.- Celia Rodríguez Royo. 5.7 mins, 0 pts e 0.6 rebs.
- 32.- Timane Weledji. 32.5 mins, 10 pts e 3.5 rebs.
- 50.- Princess Aghayere. 33 mins, 16 pts. e 11 rebs.
- 3
Hoy se juega. Visitamos al @ArxilCb Síguelo a partir de las 19:30 por el Canal de la FEB. @DXTextremadura @FJyD @dxtplasencia #corazónazulyblanco pic.twitter.com/ybKRMGAtw4
— CP Miralvalle (@CPMiralvalle) February 13, 2021
