A concelleira de Deportes do Concello da Coruña, Mónica Martínez, salientaba a participación que se agarda que vaia ter o Gran Premio Cantóns da Coruña. Unha participación que destaca por número e por calidade. “Haberá máis de 50 marchadores que estiveron nos Xogos Olímpicos”, apuntaba a responsable de deportes municipal sobre esta cita deportiva que está entre as mellores do calendario internacional.
Na súa intervención a través das redes sociais, Mónica Martínez poñía tamén en valor a presenza da xuíza olímpica Dolores Rojas. Destacou tamén entre as inscricións confirmadas de deportistas que afrontarán esta cita, a presenza, por exemplo, dos actuais campións feminina e masculina de Europa de 20 km marcha.
👟 A concelleira de Deportes do @ConcelloCoruna, Mónica Martínez, presenta o que será o vindeiro día 28 de Maio, a gran cita mundial da Marcha correspondente ao Gran Premio Cantóns de A Coruña – Trofeo Sergio Vázquez pic.twitter.com/wB7e7rPzxw
— A Coruña Deportes (@coruna_deportes) May 10, 2022
A proba celebrarase o día 28 de maio na cidade da Coruña, e o percorrido discurrirá polos Cantóns que lle dan nome. A inscrición para anotarse na proba aínda está aberta. A cita está organizada polo Concello da Coruña e a Federación Galega de Atletismo e se suma a outras moitas probas atléticas que a cidade herculina está acollendo.
