A cidade portuguesa de Braga acolleu durante unha semana ás mellores atletas máster de Europa, entre as que destacaron varias galegas, que volveron a casa con 13 medallas.
A máis destacada entre as galegas foi a imbatible Esther Pedrosa, campioa de Europa nas tres modalidades nas que competía: 800 metros (2:42-64), 3.000 metros (11:42.23) e 1.500 metros (5.22.38), todas elas F60.
Seguiuna de preto en éxitos Rosa Sierra, cunha espectacular actuación nos 3.000 metros marcha (17:30.75) e nos 5km marcha (29:34), o que lle valeu un dobre ouro europeo F55.
Ouros tamén para Lucía Ferreiro no lanzamento de pértega F40, cunha marca de 3.20 metros (novo récord de España F40). Na mesma proba pero en F35, Marta González resultou terceira. Felicea Tilea, pola súa parte, proclamouse campioa no lanzamento de xavelina F50 chegando cunha marca de 42.07.
Ver esta publicación en Instagram
Tilea colgouse tamén unha prata, no lanzamento de peso, onde logrou unha marca de 12.52. Pola súa banda, tamén foron subcampioas europeas Ana María Abuín, no lanzamento de martelo F60, cun 26.13, Julia Vaquero no cross F50 foi segunda, cun 33.12, e Soledad Castro foi tamén prata na mesma proba pero na categoría F55.
A estas galegas sumouse en cross Noelia Papín, resultando terceira en F45 cun 34.27, e Rosario Sureda colgouse o bronce no salto de altura F55 cunha marca de 1.38. O equipo de Cross F50, formado por Inés Papín, Julia Vaquero e Teresa Castro resultou campión da proba.
Da mesma forma, Raquel Suárez Pedrosa, galega con ficha en Madrid, rematou segunda nos 800m F35 e terceira nos 3000m.
No apartado masculino, o atletismo galego sumou 19 metais, destacando o dobre ouro de Xosé Luis Otero e tamén o de Juan Manuel Morales. Na clasificación por seleccións, España resultou campioa do torneo, liderando o medalleiro cun total de 256 medallas, 93 delas de ouro.
