O Celta Zorka Recalvi está a configurar o seu plantel para a tempada 2021/2022, na que competirá en LF Challenge, e este venres anuncia xa a súa primeira fichaxe. A base catalá Laia Lamana incorpórase ao club celeste.
A xogadora, de 19 anos, chega procedente do Santa Adrià, co que competiu na pasada campaña na Liga Feminina 2. Neste curso, a catalá xogou máis de 300 minutos, e promediou 7,4 puntos por partido, cun 53,6% de acerto desde os tiros de dous e un 56,3% desde os tiros libres.
Así mesmo, a nova xogadora do Celta Zorka Recalvi formou parte da Selección Española sub19 que no 2019 quedaba terceira no Campionato Mundial de Tailandia.
Tras o anuncio da súa fichaxe, a propia base declarou estar “moi contenta de unirme a esta familia. Con moitas ganas e ilusión”.
Muy contenta de unirme a esta familia! Con muchas ganas e ilusión💪🏻💙 Graciñas😊 https://t.co/cvLYnZBuqH
— Laia Lamana Llobera (@laia_lamana) July 9, 2021
