Grandes resultados para a Federación Galega de Karate e D.A. na segunda fase da Liga Nacional de Karate sub21 e júnior. As galegas Lucía Guerrero e Eva Rodríguez subiron ao podio das súas categorías acadando un ouro e un bronce respectivamente.
Á competición celebrada na fin de semana en Leganés tamén acudiron Martina Soto, Alba Rocha e Carla Rodríguez como representación do karate feminino galego, as primeiras competindo en júnior +59kg e a segunda como parte do equipo arbitral. A expedición galega completouse con Simón Cancelo, Adrián Barcia, Víctor Mallo, Nicolás Pinaque, José Ignacio Muñoz e Diego González.
O ouro de Lucía Guerrero
A karateka galega Lucía Guerrero resultou campioa na categoría sub21 no peso de -68kg. A deportista do Club Rebunkan competiu en modalidade kumite alzándose coa medalla de ouro.
Ademais, na pasada semana Lucía Guerrero obtivo xunto a Lucía Herrero e Ruth Lorenzo a prata no XLIII Trofeo Princesa de Asturias.
As karatekas galegas acadan a prata no Trofeo Princesa de Asturias
Pola súa parte, Eva Rodríguez acadou o bronce en kumite júnior. A karateka do Club San Francisco Teo participou nos -48kg.
Ver esta publicación en Instagram
