O conxuto de karatekas galegas, formado por Ruth Lorenzo, Lucía Herrero e Lucía Guerrero, acadou a prata no XLIII Trofeo Princesa de Asturias.
As tres galegas competiron en kumite sénior, acadando a segunda posición do podio. Á competición tamén acudiu un equipo galego masculino, que porén non chegou á loita polas medallas.
Ao remate da competición, Ruth Lorenzo mostrou no seu perfil de Instagram o seu orgullo polos resultados obtidos. “Lévome cinco combates contra adversarias de moito nivel e con moi boas sensacións pelexando”, declarou.
En referencia ás dúas karatekas que a acompañaron, as dúas Lucías, Lorenzo declarou que “no persoal sentinme moi orgullosa de pelexar xunto ás miñas dúas Lucías, ás que adestrei e vin medrar como persoas e como deportistas. Sodes moi grandes, unhas guerreiras e non podo estar máis contenta de estiverades ao meu carón”.
A modo de resumo, a deportista afirmou que “somos un gran equipo e isto non é máis que o principio”. No seu post a karateka tamén tivo palabras de agradecemento a todas as persoas que a apoian na súa carreira.
Ver esta publicación en Instagram
