O pavillón Cándido Carrera, de Salvaterra de Miño, acolleu o III Trofeo Salvaterra Milenaria Grupos Show de Patinaxe Artística, coa organización do CPA Condado.
Na competición, o CPA Gondomar proclamouse campión do Show Grandes promocional. Coa súa coreografía ‘El huésped’, as patinadoras subiron ao máis alto do podio, por diante de El Olivo, con ‘Sen ti non podo vivir’ e o Patín Conxuro, con ‘Me llamo Mar’.
Tamén competiron nesta categoría o CD Torres de Altamira, CD Ourela, Patín Noia e CPA Brincadeira, clasificados na mesma orde.
No Show Grandes do Trofeo Salvaterra, o campión foi o Patín Porriño, coa actuación ‘Reina de corazones’, seguido polo CPA Soutomaior, con ‘Mágina ingenuidad’.
En categoría júnior, o organizador, o CPA Condado, resultou triunfador, cunha actuación baixo o nome ‘Unidad 360’. A prata foi para o Patín Porriño, con ‘La expulsión de Belial’ e o bronce para o CPA Brincadeira, con ‘La Purga’.
Entre as máis pequenas deste Trofeo Salvaterra, o CPA Arealonga Chapela proclamouse campión promocional, coa actuación ‘En el nombre de Dios’. A segunda posición foi para o CPA Brión, con ‘Doce mel’ e a terceira para o AEHDE, con ‘Gulaj 113’.
Na outra categoría Show Pequenos, o CPA Condado colgouse un novo ouro, con ‘Detrás de la piel’, cunha prata para Patín Axel, con ‘Post mortem’ e un bronce para CPA Omega, con ‘In nomine patre’.
