A cita ourensá para as atletas galegas da pasada fin de semana incluiu o Campionato Galego de Probas Combinadas, que en categoría feminina só se disputaría no nivel Sub-16. Nel proclemouse campioa unha nova atleta, Adriana Rial, sobresaíndo ao longo de toda a competición.
O podio feminino
O triunfo feminino nas probas combinadas foi cunha puntuación total de 2.825 para Adriana Rial do Samertolameu. Desta forma, a atleta quitoulle a posición de campioa galega Marta Lázara do Atletismo Deza, trunfadora o ano pasado, pero no segundo posto con 2.493 puntos nesta edición.
Xunto elas e no terceiro lugar, Nadia González da Atlética A Silva con 2.450 puntos.
Desglose de resultados nas probas combinadas
Na proba de 60m. valos, a campioa foi a propia Rial, que fixo unha marca de 9.38, seguida de preto por Marta Lázara (9.73). Pechou o podio Nadia González, cun 10.18.
Na altura de pentatlón, a atleta do Samertolameu mantiña o seu trunfo, pero a posición de prata e bronce movíanse. Na segunda praza quedou Carmen García, do Maderas Barcía Lourenza, e na terceira Irene Vázquez, do Club Atletismo Narón.
Xa no peso de 3kg, o ouro cambiou de mans e foi para Marta Lázara, mentres que a segunda posición quedou en mans de Antía Rey, do Atlética A Silva, e a terceira foi para Nadia González.
En lonxitude, Rial retomou a primeira posición, cunha marca de 4.93, seguida por Diana Mosquera, do A Silva, cun 4.72 e por Nadia González, con 4.50.
Na proba de 600m., Diana Mosquera subiu ao máis alto do podio, deixando a segunda posición para Antía Rey e a terceira para Lucía Domínguez, do AVA.
