A pista cuberta de Expourense foi o escenario durante esta pasada fin de semana da disputa do Campionato de Galicia de probas Combinadas onde se viron rexistros moi destacados.
Unha das promesas do noso atletismo Lucía Sánchez del Valle da Atlética Lucense, daba comezo o ano batindo o récord galego Sub-20 neste Campionato de Galicia de probas Combinadas cunha puntuación de 3.629 puntos que de igual modo representa a terceira mellor marca absoluta da historia, adelantando a Eva Queimaño do Super Amara Bat, que estivo moi preto da súa marca personal con 3.467 puntos (MMP 3.506).
Completaba o podio feminino a celeste Alicia Merino Pérez quen con 3.451 puntos pulverizaba a súa anterior marca situándoa na sexta praza do ranking histórico.
Lucía Sánchez del Valle conseguía as seguintes marcas para alzarse co campionato galego:
- 60mv: 8’87 mmp
- Altura: 1’64
- Peso: 8’65
- Longitud: 5’42
- 800: 2’22’42 mmp
Moi salientable resultou tamén o concurso nesta cita de probas combinadas da atleta Carlota Salgado que compite baixo a disciplina do A.F. Celta na categoría Sub-18 que remataba o campionato con 3.413 puntos que a colocan de segunda no ránking estatal da tempada abríndolle as portas a unha posible convocatoria internacional.
No resto de categorías as gañadoras/es foron:
- Heptathlón Sub-18. Matías Moldes da Sociedad Gimnástica de Pontevedra con 4.095 puntos e Carlota Salgado do A.F. Celta con 3.413 puntos
- Pentathlón Sub-16: Celia Fernández do Riazor Coruña con 2.097 p. e Nicolás Quiñones da Gimnástica con 2.097 p.
Para comezar o atleta internacional do Real Club Celta Adolfo Saínz-Maza, domiñador nos últimos anos desta modalidade en Galicia, lograba un importantísimo resultado logo de rematar a competición cunha puntuación total de 5.195 puntos (7.32/6.98 /12.99 /1.90/8.53/4.40/3:01.54) que o convirten no segundo home da historia do noso atletismo en superar a barreira dos 5.000 puntos. O atleta lucense lograba uns excelentes 6.98 m. na lonxitude e 8.53 nos 60 valos sobre os cales cimentou este importante rexistro. A medalla de prata foi para Adrián Carrera do Atletismo Narón con 2.699 puntos