A Coruña foi o escenario esta fin de semana de tres destacadas competicións deportivas: o Campionato de España de Tríatlon en distancia olímpica, a Copa do Mundo de Paratríatlon e a quinta cita do circuíto estatal Pho3nix Kids Triathlon Series by Javier Gómez Noya, dedicada ás categorías inferiores.
Desde o Concello da Coruña fan un balance destas dúas xornadas moi positivo, tanto polo ritmo e o nivel da competición como pola afluencia de público na contorna da praza de María Pita e O Parrote.
Na xornada do domingo desenvolvéronse os campionatos de España nas categorías xuvenil e júnior como peche do programa de competicións estatais e internacionais desta fin de semana deportiva na Coruña.
🏊Hoxe entregáronse as medallas aos primeiros clasificados dos campionatos de España de tríatlon na modalidade xuvenil e júnior.
🏅 Categoría xuvenil:
Cristina Jiménez Orta e Héctor Tolsa🏅 Categoría júnior:
Alejandra Seguí e José Ramón Jiménez🙌 Parabéns!@TRIATLONSP pic.twitter.com/ctXZsYMx70
— A Coruña Deportes (@coruna_deportes) July 2, 2023
Alejandra Seguín, campioa de España junior
Na categoría júnior, Alejandra Seguín, do CEA Bétera, converteuse na campioa de España júnior feminina cun tempo de 59:48 logo de impoñerse a Ana Gómez, do Tríatlon Villalba, na recta final. A terceira posición foi para Carla Martínez, de Diablillos de Rivas VAS Cycling Boutique.
A vitoria por equipos foi para Diablillos de Rivas VAS Cycling Boutique, seguidos por Inforhouse Santiago e Stadium Casabranca Mapei.
Pola súa banda, José Ramón Jiménez, de Saltoki Trikideak, tamén se impuxo na recta final a Jesús Vela, de Peñota Dental Alusigma, marcando un tempo de 52:39; completando o pódium júnior masculino individual Julen Andueza deportista do club Saltoki Trikideak. O pódium por equipos compoñíano Saltoki Trikideak, Diablillos de Rivas VAS Cycling Boutique e Flor de Diablillos.
Cristina Jiménez-Orta, campioa de España xuvenil de Triatlón
Na categoría xuvenil feminina o triunfo foi para Cristina Jiménez-Orta, de Saltoki Trikideak, cun tempo de 1:00:05, por diante de Miriam Zafra, do Capex; e Mara Novo, do Cidade de Lugo Fluvial. Por equipos o Náutico de Narón levaba o título, por diante do Cidade de Lugo Fluvial e o CEA Bétera.
A proba xuvenil masculina anotáballa Héctor Tolsá, do CEA Bétera, por diante de Lucas García, do Cidade de Lugo Fluvial; e Alejandro López, do Prat Triatló 1994. O título por equipos era para Montilla Córdoba Tríatlon, por diante de Cidade de Lugo Fluvial e Natación Cedeira Mobles García.
As primeiras carreiras da mañá foron as probas de Grupos de Idade, cunha notable participación e representación de deportistas e clubs de toda España.
Los Grupos de Edad abrieron la jornada del domingo del Cto. de España. Próxima parada, Campeonato del Mundo de Pontevedra.
¡Inscríbete ya!https://t.co/MWaEZZ18LO#somostriatlon pic.twitter.com/DNXuWMCOqV— FETRI (@TRIATLONSP) July 2, 2023
A concelleira de Turismo, Comercio e Hostalería do Concello da Coruña, Diana Sobral, fixo entrega das medallas e trofeos xunto con Manuel Vázquez, concelleiro de Deportes, acompañados por Javier Campos, presidente da Federación Galega; e José Hidalgo, presidente da Federación Española de Tríatlon.
Coa disputa destas tres citas deportivas cos/as trialetas como protagonista, A Coruña volveu a ser o epicentro dunha importante competición e contou coa presenza dos mellores deportistas nacionais desta disciplina, que no caso da categoría de paratriatlon serviu de preparación para a Copa do Mundo, con puntos en xogo para o último tramo do ciclo de clasificación para os Xogos Paralímpicos de París 2024.
🏃♂ María Casals e David Castro proclamáronse campións no Campionato de España de Tríatlon distancia olímpica.
👉 Este torneo pechou unha xornada que arrincou coas probas Pho3nix Kids Triathlon Series by Javier Gómez Noya e continuaba coa Copa do Mundo de Paratriatlón. pic.twitter.com/CVFpvAvbU4
— A Coruña Deportes (@coruna_deportes) July 2, 2023
Para o Concello da Coruña “é unha honra” que a cidade “continúe a acoller tan importantes eventos deportivos, pois fala moi ben da nosa posición como cidade do deporte”, sinalou Manuel Vázquez, concelleiro de Deportes.
