María Casals, deportista do Cidade de Lugo Fluvial, e David Castro, do EQTR Rodacal Beyem, impuxéronse no Campionato de España de Tríatlon distancia olímpica, celebrado na cidade da Coruña como peche dunha xornada que arrincaba coas probas de promoción para as categorías inferiores no circuíto Pho3nix Kids Triathlon Series by Javier Gómez Noya, co propio Gómez Noya dando as saídas e entregando medallas en meta. Posteriormente se disputaría a Copa do Mundo de Paratriatlón con bos resultados para as e os paratriatletas españois, a ‘paratriarmada’ e triunfo da galega Susana Rodríguez Gacio.
CAMPEONA DE ESPAÑA DE TRIATLÓN 🇪🇸 María Casals #fetriacoruña @deportegob @ConcelloCoruna @coruna_deportes @FEGATRIPM @iberdrola pic.twitter.com/c4BLh4i12i
— FETRI (@TRIATLONSP) July 1, 2023
María Casals lograba o título elite feminino de campioa de España de Tríatlon na distancia olímpica cun tempo de 1:54:56 tras unha apaixonante carreira na que superaba á outra gran protagonista da proba, Iratxe Arenal, do Náutico de Narón, subcampioa e líder durante boa parte da carreira a pé. Arenal escapouse no segmento de ciclismo xunto a Sara Pérez Salga. A terceira posición foi para Natalia Castro, do Cidade de Lugo Fluvial.
A carreira masculina tamén foi moi emocionante, con dous grupos que se unían ao final do segmento de ciclismo nos que estaban os principais favoritos, e ataque de David Castro de saída no segmento de carreira a pé que o castellanomanchego mantería ata o final para gañar cun tempo de 1:40:29. A segunda praza era para Esteban Basanta, do Cidade de Lugo Fluvial, e a terceira para o seu compañeiro de equipo Antonio Serrat, nun apaixonante duelo final con Iván Gil, de Diablillos de Rivas VAS Cycling Boutique, polo pódium.
CAMPEÓN DE ESPAÑA DE TRIATLÓN 🇪🇸 @davidcastrotri
🥈 @estebinbasanta
🥉 @serratantonio @deportegob @ConcelloCoruna @coruna_deportes @FEGATRIPM pic.twitter.com/R6vKaPONyz— FETRI (@TRIATLONSP) July 1, 2023
María Casals, gañadora tamén en Sub-23
O pódium Sub-23 feminino foi o mesmo da carreira Elite, con María Casals, Iratxe Arenal e Natalia Castro; mentres que no masculino a primeira posición era para Esteban Basanta, seguido de Nacho Gálvez, compañeiro de equipo no Cidade de Lugo Fluvial, e Joan Reixach, de Saltoki Trikideak.
👟 A concelleira Diana Cabanas entregou as medallas aos primeiros clasificados do Campionato de España de Tríatlon.
🥇 María Casals
🥈 Iratxe Arenal
🥉 Natalia Castro🥇 David Castro
🥈 Esteban Basanta
🥉Antonio Serrat👏 Moitos parabéns!@TRIATLONSP pic.twitter.com/G56Bw4Oy6c
— A Coruña Deportes (@coruna_deportes) July 1, 2023
Cidade de Lugo Fluvial, gañador por equipos
Por equipos absolutos o pódium feminino formábano Cidade de Lugo Fluvial, Náutico de Narón e Stadium Casabranca Mapei.
O masculino Cidade de Lugo Fluvial, Tríatlon Inforhouse Santiago e Peñota Dental Alusigma. Na categoría Sub-23 a vitoria por equipos era para Cidade de Lugo Fluvial na categoría feminina, por diante de Náutico de Narón e Saltoki Trikideak. Mentres que na categoría masculina a vitoria foi para Cidade de Lugo Fluvial, superando a Universidade de Alacante e Tríatlon Inforhouse Santiago.
Pho3nix Kids Triathlon Series by Javier Gómez Noya
A proba de promoción Pho3nix Kids Triathlon Series by Javier Gómez Noya A Coruña 2023 tivo máis de 100 deportistas participantes no global de categorías, de prebenjamín a cadete, con tres saídas para disputar a modalidade de Acuatlón en circuítos de distancias adaptadas á idade das e os novos triatletas.
O triatleta galego Javier Gómez Noya non quixo perderse a cita e participou na mesma dando as saídas das carreiras e entregando as medallas de finisher a cada participante na liña de meta.
A xornada dominical contará con máis tríatlon na Coruña
Mañá, domingo 2 de xullo a partir das 8:30 h. disputarase o nacional de Tríatlon Grupos de Idade, e durante a mañá as carreiras polas medallas nacionais das categorías xuvenil, con saída feminina ás 11:45 horas e masculina ás 12:30 horas, e júnior, ás 13:15 horas a saída feminina, e ás 14 horas a masculina.
A cerimonia de premios final terá lugar ás 15:15 h.
