Tras a derrota sufrida o pasado fin de semana fronte a un dos rivais máis fortes da categoría como o Lointek Gernika, o Durán Maquinaria Ensino enfrontarase ante, a priori, un rival máis asequible, o Spar Gran Canaria. O partido terá lugar mañá, sábado 17 de outubro de 2020, no Pazo dos Deportes de Lugo a partir das 20:30 horas. Os árbitros designados para este encontro de baloncesto feminino son os colexiados Antonio Sacristán Barazón, Guillermo Ríos Marcos e Laura Piñeiro Amondaray.
Pouco a pouco as xogadoras do CB Ensino van acadando o ritmo e a regularidade no xogo, un obxectivo primordial para poder competir e lograr bos resultados nesta liga.
Segundo o adestrador lucense, Carlos Cantero, as súas xogadoras chegan nun bo momento a este partido: “Estamos ben. Sempre molesta perder e quédaste con mal corpo. Pero á que empezas a adestrar e a pensar no seguinte partido, iso pásase e séguese coa boa dinámica que temos”.
Un rival perigoso para o CB Ensino
Para o conxunto lucense, a segunda vitoria da tempada pasa por non confiarse, xa que a pasada xornada, as xogadoras do Spar Gran Canaria caeron tan só por dous puntos e puxeron en serios apretos a outro grande da categoría como é o Spar Girona. Confianza, polo tanto, a xusta.
O adestrador das galegas, Carlos Cantero, analizaba ás súas próximas rivais: “É unha plantilla curta, baseada en 5-6 xogadoras que xogan por encima de 25-30 minutos. Ao final ti montas o teu equipo, unha plantilla curta e esperas ter nesa plantilla xogadoras que dentro duns anos serán quizais futuras estrelas do baloncesto mundial.
Personalizando en xogadoras concretas que prometen no ámbito internacional, Cantero apunta que “As dúas das que máis se fala, as dúas postes, Sika Kone e Kai Afi James, van en proceso de selo”.
Para o preparador do Durán Maquinaria Ensino, “o tema é xogar un partido a 40 minutos e ter moita intensidade, sabendo deste potencial, todo o que ganas en intensidade telo como vantaxe no úlimo cuarto”.
Carlos Cantero, adestrador do durán Maquinaria Ensino: “Ao final ti montas o teu equipo, unha plantilla curta e esperas ter nesa plantilla xogadoras que dentro duns anos serán quizais futuras estrelas do baloncesto mundial. Sika Kone e Kai Afi James, van en proceso de selo”.
O adestrador lucense pensa que o partido pode resultar complicado ante un rival que aínda non se estreou nesta liga: “É un equipo que leva cero vitorias e eses equipos son moi complicados xa que teñen o ansia e queren gañar a primeira vitoria. Estas xogadoras facendo números e sendo MVP’ s non terminan de dar coa tecla da vitoria. Entón, bueno esperemos que non sexa contra nós e que as demais non aporten máis do que están a aportando”.
Carlos Cantero, adestrador do durán Maquinaria Ensino: “É un equipo que leva cero vitorias e eses equipos son moi complicados xa que teñen o ansia e queren gañar a primeira vitoria. Esperemos que non sexa contra nós.
Carlos Cantero: “Xa desde o ano pasado dásenos moi ben xogar na casa”
As estatísticas din que o CB Ensino rinde mellor na súa casa e esa e unha baza a favor do equipo de Carlos Cantero: “Si, sempre en casa, xa desde o ano pasado dásenos moi ben e parece que nos libera desa presión competitiva. Entón si que pensamos mellor, xogamos mellor, estamos máis concentradas. Iso suma. E ao fin e ao cabo sabemos da importancia que ten gañar os partidos de casa”.
Finalmente o adestrador comentaba acerca das restriccións de aforo e como está a afectar en xeral a situación sanitaria a esta Liga Endesa: “Creo que o outro día o Breogán meteu a 100 persoas así que non entendo esta diferenza de porque nós 60 e eles 100”.
Segundo argumentaba o entrenador do conxunto galego: “Ao final para o min e para o clube a saúde é unha prioridade. Se se segue un calendario todo iso axuda á planificación, aos adestramentos, a mellorar. Ao final se aprazas partidos, tes que xogalos en calquera momento e se empezas a ter partidos entre medias, viaxes raras, partidos raros… Está a verse que equipos fortes están a perder porque, ou ben se contaxiaron ou ben están a xogar aprazados cando non deben”.
Carlos Cantero, adestrador do durán Maquinaria Ensino: “ Ao final se aprazas partidos, tes que xogalos en calquera momento e se empezas a ter partidos entre medias, viaxes raras, partidos raros… está a verse que equipos fortes están a perder porque, ou ben se contaxiaron ou ben están a xogar aprazados cando non deben”.
O partido entre o Durán Maquinaria Ensino e o Spar Gran Canaria, correspondente á quinta xornada da Liga Endesa xogarase este sábado 17 de outubro ás 20.30 no Pazo dos deportes de Lugo. Os árbitros serán: Antonio Sacristán Barazón, Guillermo Ríos Marcos e Laura Piñeiro Amondaray.
🏀 JORNADA V
🆚 @cbislascanarias
📍 Pazo dos deportes de Lugo
📅 17 Octubre a las 20:30#SomosEnsino | #LFEndesa | #VoltaráLoita pic.twitter.com/qq9FWTrsHa— Ensino Lugo (@EnsinoLugoCB) October 14, 2020
INFORMACIÓN DE UTILIDADE
Consulta os partidos da cuarta xornada da Liga Endesa e resultados anteriores
- Guía oficial: Plantillas, datos, estatísticas… ¡e moito espectáculo!. A nova tempada comenzou e o fixo con 16 equipos e un total de 161 xogadoras dispostas a ofrecernos cada fin de semana o mellor baloncesto. Todo elo a través dunha competición que crece tempada tras tempada e que desgranamos a través dunha publicación imprescindible para as seguidoras e seguidores da competición.
Clasificación
