A sexta xornada de Liga Feminina 2 celebrada no pavillón do CGTD pontevedrés supoñía a volta á pista dos dous equipos galegos, no caso do CB Arxil despois de dúas xornadas aprazadas por casos de COVID-19 das súas rivais e no caso da AD Cortegada por humidades na cancha do Ulla Oil Rosalía.
Este encontro, entre rivais directos que loitaban por abandoar a parte baixa da táboa, comezou con dous conxuntos moi igualados pero cunha lixeira vantaxe da AD Cortegada ao final do primeiro parcial, que superaba por tres puntos ás locais (14-17).
Esta marxe aumentou no seguinte cuarto cando as de Vilagarcía lograron unha vantaxe de 10 puntos nos dous primeiro minutos (16-26). Pola súa parte, o Arxil seguiu pelexando por aumentar o seu marcador chegando ao descanso cun 27-36 no marcador.
O Arxil, mellor á volta de vestiarios
O descanso sentoulle ben ao Arxil, que encamiñou unha remontada que, finalmente, non pudo acadar. Ao pouco de comezar a segunda parte, as de Mayte Méndez recortaron distancia ata lograr un 43-49. Porén, as xogadoras de Rubén DomÍnguez afianzaron a súa vitoria no último cuarto, no que foron mellores e asinaron un 58-63 que lles permite achegarse á parte media da clasificación acumulando seis puntos.
A AD Cortegada ocupa arestora o posto noveno na táboa clasificatoria da Liga Feminina 2 (LF2)
FICHA TÉCNICA
58) CB ARXIL: Carla Fernández (7), Noelia Masía (12), María Lago (6), Cristina Díaz (2), Heather Forster (9) – quinteto inicial -. Tamén xogaron: Violeta Crespo (3), Noa Casalderrey (-), Natalia López (-), Bineta Ndoye (4) e Sara Castro (15).
63) AD CORTEGADA: Patricia Vicente (12), Cristina Loureiro (6), Sara Gómez (14), Teodora Saric (-), Tereza Sedlakova (11) – quinteto inicial -. Tamén xogaron: Zeltia Presas (9), Lorena Castro (3), Miriam García (5) e María González (3).
PARCIAIS: 14-17, 13-19, 16-13 e 15-14.
ÁRBITROS: Adrián Álvarez e Alejandro Velasco.
INCIDENCIAS: Partido correspondente á sexta xornada da Liga Feminina 2 disputado no pavillón do Centro Galego de Tecnificación Deportiva (CGTD) (Estadio de la Juventud) en Pontevedra.
