Charly Carreño, adestrador do CV Arenal Emevé, estaba satisfeito ao final do partido contra do Depol Feel Alcobendas. As galegas venceron 3-1 logo de ceder o primeiro set ás madrileñas. “Estou moi contento polo desarrollo do partido. Penso que perder o primeiro set, sen xogar mal, pero non estando contento por como organizamos as transicións de contraataque. Logo o equipo entendeu moi ben que tiña que sacar mellor para levar o partido máis cómodo. E nese xogo de saque – recepción xogamos un moi bo partido”.
Consultado sobre como o equipo lle deu á volta a situación tras perder o primeiro set, Charly Carreño salientaba a actitude das xogadoras do CV Arenal Emevé e a súa importancia de cara ao futuro: “O primeiro set realmente non o xogamos mal. Tivemos problemas nas transicións e perdimos o set. As xogadoras entraron ao segundo set coa mesma motivación, agresividade e intensidade que no primeiro, como nada tivera acontecido no primeiro set. E iso é moi importante xa que, ao longo do ano, teremos situacións de stress competitivo. Temos que saber diferenciar un set de outro, un punto doutro, e afrontarlos as seguintes situacións con frescura mental”.
O adestrador das galegas semella confiado non so no traballo que se está a realizar, se non tamén nos froitos que está a obter o bloque lucense. En concreto, Charly Carreño explicaba aos medios logo do partido ante o Depol Feel Alcobendas que “as xogadoras tiñan un ritmo excelente durante a semana. Imaxinaba un partido moi bo. O ritmo final non o amosamos no primeiro set pero o equipo estivo forte para crerse o traballo da semana. Este é o nivel do equipo agora mesmo”.
Charly Carreño xa pensa no Sant Cugat: “Hai que quitarlles tres puntos”
Na mente do adestrador do CV Arenal Emevé xa está o seguinte reto. As lucenses teñen visitar ao seu inmediato perseguidor, o DSV CV Sant Cugat. A cita, correspondente á 15ª xornada na Liga Iberdrola de volei está marcada para o sábado 21 ás 19:00 horas. Para Charly Carreño nese “seguinte partido iremos a buscar tres puntos nunha cancha difícil ante un rival ao que hai que quitarlle os tres puntos para seguir nunha tendencia positiva”.
O CV Arenal Emevé repite triunfo con Charly Carreño no banco (3-1)
