As galegas do o CBS Cambre desprázanse esta fin de semana a medirse co CS Fènix València, un dos equipos cos que conta a cidade de Valencia na SSL Spanish Softball League. Os partidos teñen lugar na mañá do domingo 11 de abril.
A primeira saída das cambresas foi pouco fructífera xa que volveron con dúas derrotas tras xogar co Sant Boi catalán. Nesta primeira xornada dobre de debut, as galegas caeron derrotadas por 8-0 e 7-0.
Na segunda xornada, xa enAcea de Ama, en Culleredo, as galegas venceron os dous partidos que xogaron contra do Dridma Rivas CD e as galegas impuxéronse por un 7-6 no primeiro partido e cun 5-4 no segundo.
Nesta ocasión queren demostrar que tamén saben gañar a domicilio. O rival é o CS Fènix València que na primeira xornada xogou co CBS Antorcha Valencia perdendo un partido e gañando outro, xusto o mesmo que lles pasou a pasada semana co Project Softball Gavanenc de Gavá.
Na clasificación CBS Cambre é quinto e o CS Fènix València, sexto. Empatados nas puntuacións. Así que este cruce determinará tamén os seus postos na táboa.
