Unha tempada máis, o equipo das Brigantias abre as súas portas para difundir e visibilizar o roller derby na Coruña. O equipo herculino relizará varias xornadas de portas abertas dos seus adestramentos para dar a coñecer o deporte, impartindo as nocións básicas e contestando as dúbidas das persoas participantes.
Para asistir, segundo informan desde o propio club, non será necesario ter coñecementos de patinaxe, só acudir con patíns e enviar un mail a uneteasbrigantias@gmail.com co nome, apelidos e proteccións necesitadas para que o equipo poida xestionar os préstamos. Ademais, as actividades son completamente de balde.
As xornadas están repartidas no calendario deportivo, nos días 15, 22 e 29 de xullo, e terán lugar no polideportivo de Monte Alto, entre as 20:00 e as 22:00 horas. O mail das Brigantias tamén está operativo para resolver dúbidas das persoas interesadas en asistir.
Xa están aquí as nosas Xornadas de Portas Abertas!! ❤️💙🔥
Sodes benvides a ver, a coñecernos e a acompañarnos dentro da pista 🤗Que necesito para xogar ao Roller Derby?🤔👀
Podo formar parte das Brigantias pese a non saber ou querer aprender a patinar?🤷 pic.twitter.com/53opUrX829— As Brigantias Roller Derby A Coruña (@AsBrigantiasRD) July 3, 2021
