O pasado domingo celebrouse no concello cordobés de Almodóvar do Río o Campionato de España máster de campo a través, cunha participación galega que acadou éxitos notables. A expedición da Federación Galega de Atletismo nas categorías femininas consistíu en dez atletas dos niveis F40 a F60. Entre o ADAS Proinor e o Club Atletismo Sada, trouxeron tres metais, dous por equipos e un individual en categorías femininas e un metal máis en relevos.
Destacou Esther Rodríguez, do ADAS Proinor, que foi a única deportista galega en subir ao podio na competición de xeito individual na categoría F40. Colleitou unha medalla de prata que engadir ao seu extenso e dilatado palmarés atlético. A competidora de O Barco acadou o metal cun tempo 22:16, pouco máis de medio minuto máis que a gañadora, Sara Bonilla, do Club Corredores.
Cabe salientar tamén as actuacións na F60 de Elva Fernández e Esther Martínez do C.A. Sada, quenes ocuparon as posicións sétima e oitava respectivamente.
Prata para o ADAS Proinor en F40
Na modalidade de clubs o ADAS Proinor lograba o subcampionato nacional na categoría F40 grazas as actuacións das súas atletas Esther Rodríguez, Susana Arrua e Elena Ledo.
Xa na modalidade relevos 35-44, novo podio para o club presidido por Tinín González, quenes colleitaban unha prata grazas ao traballo de José Talavera, Esther Rodríguez, Susana Arrua e Akka Essaadaoui.
Bronce para o Club Atletismo Sada en F45
En categoría F45, aínda que ningunha galega subiu ao podio de maneira individual, si o fixeron como conxunto as atletas do CA Sada. Coas súas marcas, Raquel Armesto, Inés Papín e Noelia Papín clasificaron ao seu club como terceiro, cun tempo total de 1:20.09. O triunfo foi para o club Trops-Cueva de Nerja
As demais participantes máster
Como Esther Rodríguez, en F40, participou Elena Ledo, do mesmo equipo que a atleta de prata. Porén, Ledo rematou na 26ª posición, cun tempo de 26:05.
En F50, Julia Vaquero, do Trega, quedou fóra da lista, Tirsa Chaves, do CA Sada, quedou 54ª, Esther Martínez, do mesmo club, quedou 48ª e un posto por riba, a súa compañeira Elva Fernández.
Esther Pedrosa, do Playas Castellón, foi a mellor posicionadas destas outras participantes, quedando na 35ª praza desta proba de atletismo máster.
Ademais, sexta posición para o ADAS Proinor e décimo noveno lugar para a SD Compostela na M45. Esta mesma formación santiaguesa ocuparía o décimo quinto lugar na M35.
Consulta nesta ligazón o listado completo de resultados das atletas participantes.
