A Real Federación Española de Balonmán anunciou o domingo, tras reunión da súa Comisión Delegada, que a fase final da XLII Copa de S. M. a Raíña celebrarase finalmente no municipio de Telde, en Las Palmas de Gran Canaria, entre o 21 e o 23 de maio.
Esta decisión afecta os equipos da liga Guerreras Iberdrola. Por exemplo, o conxunto do Rocasa Gran Canaria clasifícase directamente para a fase final e, no seu lugar, o Super Amara Bera Bera, organizador até a data da fase final, afrontará agora a eliminatoria de segunda rolda ante o Balonmán Morvedre.
Outra das cuestións que se ven afectadas é calendario.
Polo tanto, ao celebrar a XLII Copa de S. M. a Raíña entre o 21 e o 23 de maio, o calendario da segunda fase da Copa da Raíña tamén quedou modificado da seguinte maneira:
- Xornada 1 | 27 de marzo
- Xornada 2 | 3 de abril
- Xornada 3 | 10 de abril
- Xornada 4 | 24 de abril
- Xornada 5 | 1 de maio
- Xornada 6 | 8 de maio
- Xornada 7 | 15 de maio
- Xornada 8 | 29 de maio
Deste xeito, a fase final da XLIII Copa de S. M. a Raíña, correspondente á tempada próxima, a 2021 – 2022, terá a Super Amara Bera Bera e Deputación Foral de Guipúzcoa como organizadores do evento.
Desde o inicio deste ano 2021, tanto o Super Amara Bera Bera como a Diputación Foral de Guipúzcoa manifestaron o seu temor diante da imposibilidade de celebrar a fase final da Copa da Raíña nas datas establecidas no calendario da Temporada 2020/2021. Unha circunstancia que viña motivada a que limitacións que ten estipuladas o Goberno Vasco ao respecto da presenza de público nas gradas son restrictivas.
Segundo explica a RFEBM “cabe apuntar que a Diputación Foral de Guipúzcoa concebía a XLII Copa de S.M. a Raíña como un evento dinamizador do deporte femenino, e máis concretamente do balonmán feminino, polo que a ausencia de público antoxábase coma unha barreira insalvable para cumprir este obxectivo”.
