Como continuación aos acordos adoptados na Xunta Directiva do pasado venres, e tras acordalo co Consello Asesor da RFEBM, integrado por todo os presidentes das distintas Federacións Territoriais, a Xunta propuxo á Comisión Delegada suspender definitivamente os Campionatos de España de Clubs femininos e masculinos en categoría infantil, cadete e xuvenil.
Cancelación fases de ascenso a División Honra Prata Feminina
Así mesmo, tamén se decidiu, xunto co Consello Asesor, a cancelación das fases de ascenso de categorías territoriais a División de Honra Prata Feminina e Primeira Nacional Masculina. Será a Real Federación Española de Balonmán quen adxudique as prazas vacantes que quedan en cada un dos grupos afectados, seguindo criterios de distribución xeográfica e interese deportivo.
Esta proposta únese á efectuada o pasado venres por parte da Xunta Directiva da Real Federación Española de Balonmán, encamiñada a suspender a disputa de todos os partidos nacionais que restan na presente campaña, non executando descensos pero si ascensos de categoría.
