O 21 de decembro de 2019, a cidade da Coruña acolle a celebración do X Trofeo Teresa Herrera de Karate Feminino, organizado pola Federación Galega de Karate e promovido polo Concello da Coruña. A competición terá lugar no Pavillón Municipal San Francisco Javier a partir das 17:30 horas e a entrada será de balde.
Á selección galega como anfitrioa, hai que engadir a participación das seleccións de Asturias, Cantabria, Castela-León e País Vasco. Na edición de este ano, contarase cun destacado cartel de participantes, con preto de 60 deportistas.
Galicia participará cunha selección integrada por 31 deportistas pertencentes aos clubs:
- San Francisco Teo (Teo).
- Akai Ryu (Negreira), Shihan (Lugo).
- Karate-do Carballo (Carballo).
- Renbukan (Ferrol).
- River Stone (O Barco de Valdeorras).
- Bunkai Sport (Ferrol).
- Artes Marciais Fene (Fene).
- Santiago Apóstol (Narón).
- ESK Narón (Narón).
As modalidades de competición serán kata e kumite individual nas categorías infantil (10 e 11 anos) e xuvenil (12 e 13 anos). Ao remate, como xa vén sendo tradicional, outorgarase o Trofeo Torre de Hércules á selección que obtivera maior número de medallas de ouro na competición.
