O Concello da Coruña acolle esta fin de semana, sábado e domingo 1 e 2 de xullo, tres destacados eventos de tríatlon: o Campionato de España de Tríatlon en distancia olímpica, a Copa do Mundo de Paratríatlon e a quinta cita do circuíto nacional Pho3nix Kids Triathlon Series by Javier Gómez Noya, dedicado ás categorías inferiores e que recalará por segunda vez na cidade.
Más de 1100 deportistas y 18 países, Copa del #Mundo #Paratriatlón y Cpto #España #Triatlón olímpico #ACoruña 2023 #presentación #SomosTriatlon #FETRIACoruña
Más información
👇👇https://t.co/AytA20dxum@deportegob @ConcelloCoruna @coruna_deportes @FEGATRIPM @worldtriathlon pic.twitter.com/qgkTRHZdJt— FETRI (@TRIATLONSP) June 30, 2023
A praza de María Pita volve ser o escenario da meta para as competicións nacionais e internacionais, co circuíto de natación no espazo entre o porto e o castelo de San Antón, e o ciclismo e a carreira a pé polo paseo marítimo coruñés.
O concelleiro da área de Fomento e Promoción da Cidade, Gonzalo Castro, foi o encargado de presentar a proba. Castro apuntou que o feito de que esta competición volva ter lugar na Coruña amosa que o Concello “continúa a apostar polos grandes eventos deportivos”.
Hai puntos en xogo de cara aos Xogos Paralímpicos de París 2024
A presenza de paratriatletas internacionais, preparándose para a importante cita da Copa do Mundo, con puntos en xogo para o último tramo do ciclo de clasificación cara aos Xogos Paralímpicos de París 2024, notarase durante a práctica totalidade da semana, e a partir de xoves e venres tamén a chegada das e dos triatletas nacionais na procura dos títulos en xogo.
Durante a xornada de hoxe, venres 30 de xuño, terán lugar os recoñecementos oficiais dos circuítos de Paratríatlon, así como a entrega de dorsais e a benvida dos e das deportistas en María Pita.
O programa de competicións nacionais de Tríatlon na Coruña comezará o sábado 1 de xullo coas probas de Pho3nix Kids Triathlon Series by Javier Gómez Noya, con saídas Pre-Benxamín, e Benxamín ás 11.00 horas, Alevín ás 11.30 horas, e Infantil e Cadete ás 12.00 horas, en cada carreira con distancias adaptadas ás categorías. Pódese consultar toda a información aquí.
Copa do Mundo de Paratríatlon con Susana Rodríguez Gacio
As e os paratriatletas participantes na Copa do Mundo de Paratríatlon tomarán a saída o sábado 1 de xullo a partir das 15.00 horas e a cerimonia de premios para todas as categorías está prevista na zona de meta en María Pita ás 18.30 horas. Toda a información pódese consultar na web de Europe Triathon.
Entre das deportistas que anunciaron a súa presenza está a galega e campioa paralímpica en Tokio 2020 Susana Rodríguez Gacio que ven de recibir esta semana a Medalla Castelao por parte da Xunta de Galicia en recoñecemento á súa traxectoria.
El día 1 de Julio a partir de las 15h Paratriathlon World Cup en A Coruña! Podéis venir a animar al Team España para conseguir valiosos puntos de cara a Paris 2024 JJPP @Paralimpicos @TRIATLONSP @ConcelloCoruna pic.twitter.com/vamTySVpWA
— Susana Rguez. Gacio (@SuRGAcio) June 21, 2023
O Campionato de España de Tríatlon distancia olímpica de categoría Elite completará a primeira xornada de competicións FETRI na Coruña 2023, con saída feminina ás 18.15 horas e masculina ás 20.20 horas. A cerimonia de entrega de premios será ás 22.15 horas na praza de María Pita.
Pechará a fin de semana repleta de natación, bici e carrerias a competición prevista para o domingo 2 de xullo a partir das 08.30 horas disputarase o nacional de Tríatlon Grupos de Idade. Ao longo da mañá as carreiras polas medallas nacionais das categorías xuvenil, con saída feminina ás 11.45 horas e masculina ás 12.30 horas; júnior ás 13.15 horas a saída feminina, e ás 14.00 horas a masculina.
A cerimonia de premios final terá lugar ás 15.15 horas na propia praza de María Pita na cidade da Coruña.