Os clubes Zierbena Bahías de Bizkaia e Donostia Arrau Lagunak fixéronse coa vitoria na VII e VI Bandeira Cidade da Coruña de traiñeiras, que se disputou este domingo na enseada do Orzán, coa participación de 20 equipos, doce de categoría masculina e oito de categoría feminina. O concelleiro de Deportes do Concello da Coruña, Manuel Vázquez, foi o encargado de entregar as bandeiras aos triunfadores tras as diferentes quendas disputadas.
Na competición participaron os barcos do CR Cabo da Cruz, que rematou a cita coruñesa en sexta posición, e a SD Tirán que foi oitava. Houbo representación de remeiras galegas noutras embarcacións.
🚣 Zierbena Bahías de Bizkaia e Donostia Array Lagunak gañan a Bandeira Cidade da Coruña de traiñeiras!
👉 Ambos os clubs alcanzaron a vitoria nunha competición na que participaron 20 equipos. pic.twitter.com/KcmLHE7HdD
— A Coruña Deportes (@coruna_deportes) July 2, 2023
Na categoría feminina, denominada Euskotren Liga, os equipos participantes percorreron 1,5 millas mariñas, un total de 2.778 metros, no conxunto das quendas. Donostia Arrau Lagunak fíxose coa bandeira cun tempo de 11:58.08 obtendo os 8 puntos na clasificación.
En representación da tripulación gañadora, Donostia Arrau Lagunak, falaba Alejandra Ríos que confirmaba que a mar non estaba doada para vogar.
🎙️ Alejandra Rios
🎽@DLagunak#EuskotrenLiga pic.twitter.com/ZLTf6RWOLE— Eusko Label Liga / Euskotren Liga (@actraineras) July 2, 2023
Ver esta publicación en Instagram
As remeiras do CR Cabo da Cruz declaraban estar contentas coa posición acadada, sextas, e dispostas a “aprender. Foi un bo comezo”, explicaba Estela Calo.
🎙️Estela Calo
🎽 @crcabodacruz #EuskotrenLiga pic.twitter.com/r7aKCR9t62— Eusko Label Liga / Euskotren Liga (@actraineras) July 2, 2023
As deportistas da SD Tiran, que remataron esta primeira regata como oitavas, explicaban que non coñecer a mar na que remaban perxudicoulles, foi un “debut raro” dixo María Álvarez.
🎙️María Alvarez
🎽SD Tiran #EuskotrenLiga pic.twitter.com/5k0OTBqwI8— Eusko Label Liga / Euskotren Liga (@actraineras) July 2, 2023
No segundo posto quedou o Tolosaldea, cun tempo de 12:01.32 e 7 puntos e no terceiro o Donostiarra, cun 12:03.76 e 6 puntos na clasificatoria.
🚣 Comeza a segunda e definitiva quenda da competición máis importante de traiñeiras pola disputa da Bandeira Cidade da Coruña.
👉 Iniciouse coa categoría feminina e, deseguido, continuarase coa masculina. pic.twitter.com/0UxsIuZWvD
— A Coruña Deportes (@coruna_deportes) July 2, 2023
Zierbena Bahías de Bizkaia, ganador masculino na Bandeira Cidade da Coruña
Pola súa banda, na categoría masculina, denominada Eusko Label Liga, percorreronse un total de 3 millas mariñas e 5.556 metros. Foi o Zierbena Bahías de Bizkaia o que logrou coller a bandeira cun tempo de 21:45.82, posicionándose como primeiro clasificado. Seguiulle Hondarribia, cun tempo de 21:56.50, obtendo 11 puntos e Getaria, con 22:02.62, con 10 puntos.
A cidade da Coruña acolleu, un ano máis, a competición de traiñeiras máis importante, que reúne aos mellores equipos do territorio estatal. O concelleiro de Deportes do Concello da Coruña, Manuel Vázquez destacou o compromiso do concello herculino “co deporte e coas grandes citas como esta”, que supón ademais, tal e como indicaba, “un gran reclamo turístico pola súa repercusión máis alá da cidade”.
A proba foi seguida por numerosas persoas desde o paseo marítimo coruñés. Ademais, esta Bandeira Cidade da Coruña foi retransmitida en directo polas canles de televisión TVG e a ETB.
- TVG | Traiñeiras, Liga ACT Euskotren: VI Bandeira Cidade da Coruña
- TVG | Traiñeiras, Liga ACT EuskoLabel: VII Bandeira Cidade da Coruña
Na primeira xornada a competición, prevista para onte sábado 1 de xullo, a celebración da Bandeira Cidade da Coruña tivo que suspenderse debido a dificultade do embarque para as tripulacións debido á resaca e a altura das ondas no mar da bahía da Coruña. Priorizouse a seguridade das e dos deportistas. Hoxe, domingo 2 de xullo, a competición foi xa posible.
