Esta fin de semana (1 e 2 de outubro, Pavillón do Rosal) celébrase o VI Open Internacional Vila de Moaña de combate, técnica e freestyle de Taekwondo, no que será o primeiro torneo da presente tempada en Galicia.
Ademais, significa o regreso do Open Internacional Vila de Moaña despois da pandemia. Tal e como informa a Federación Galega de Taekwondo, a última edición desta cita deportiva corresponde ao ano 2019.
O torneo forma parte do circuíto do ranking galego, tanto na modalidade de combate como en poomsae, segundo informa a Federación Galega de Taekwondo.