O Rallye Recalvi Rías Baixas, Memorial Paco Alegre xa ten data. Entre o 23 e o 25 de xullo ata 72 equipos, con 10 participantes femininas, competirán en Vigo na competición organizada pola Escudería Rías Baixas.
Entre as participantes, destaca Adriana Álvarez, única piloto feminina do Rallye, no que competirá polo Pontevedra 1984 TEAM, no Peugeot 206 XS.
Entre as copilotos femininas participarán:
- Amelia Blanco, copiloto do Recalvi Team no Renault Clio Rally 5.
- Marta Ylla, copiloto da Escudería Lleida C. Automob. no Hyundai I20 R5.
- Soraya González, copiloto Silva Alonso, BMW 316I
- Vanessa Guisande, copiloto de O Convento Motorsport, no Nissan Micra N3.
- María Teresa Morais, copiloto da Escudería Surco, no Renault Clio 16s.
- Melisa Lorenzo, copiloto do Jabalí Racing Team, no Toyota GR Yaris.
- María Luz Puime, copiloto da Escudería Rías Baixas, no Ford Fiesta.
- Natalia Vas, copiloto de Cantera Competición, no Peugeot 405 MI 16.
- Patricia Rodríguez, copiloto da Escudería Rías Baixas, no Seat Arosa 1.0.
Ademais, tamén acudiron ao acto Fernando Mouriño, presidente da escudería organizadora, o director do grupo Recalvi e patrocinador da proba, Chema Rodríguez; José Antonio Suárez (Cohete Suárez), piloto mundialista que tomará parte nesta proba; os irmáns Álex e Santi Pais, piloto e copiloto que disputan desde fai anos o rallye, e o xefe do servizo provincial de deportes de Pontevedra, Daniel Benavides.
O Rallye Recalvi Rías Baixas incorpórase á Copa de España de rallyes de asfalto
Lete Lasa quixo felicitar á Escudería Rías Baixas por retomar a organización do rallye tras o parón do ano pasado pola pandemia da COVID-19, e pola súa incorporación á Copa de España de rallyes de asfalto.
Segundo o secretario xeral, “o peso da automoción galega é clave para o crecemento económico de Galicia; e esta mesma conexión, reprodúcese a nivel deportivo: o motor galego é un foco de talento indiscutible, tanto no que se refire á práctica deportiva como á organización probas coma este Rallye Recalvi Rías Baixas. A súa referencia nacional e internacional no asfalto, a pericia dos seus pilotos, a excelencia das súas organizacións –como a desta escudería – e a entrega do público, fan das nosas probas exemplos sempre de competición, de excelencia e, por suposto, de seguridade”.
Tanto o secretario xeral como a delegada territorial apelaron á responsabilidade individual e colectiva para colaborar coa organización desta proba é garantir que esta se desenvolva coas máximas garantías hixiénico-sanitarias tendo en conta a actual situación da pandemia e, por suposto, coas máximas garantías de seguridade vial tanto para os participantes como para o público asistente.
Así mesmo, tanto Lete Lasa como Fernández-Tapias tiveron palabras de recordo para Paco Alegre, o que fora vicepresidente da Escudería e a quen se lle adica este rallye.
