Esta fin de semana, o Estadio Calabagueiros do Barco de Valdeorras será escenario dunha cita deportiva que chega á súa 32ª edición, o Campionato de Galicia de Clubs Xunta de Galicia. O ano pasado as circunstancias sanitarias derivadas das crise da COVID-19 obrigaran a súa cancelación.
Con esta importante cita, ábrense as competicións a nivel de clubs que terán a súa continuidade cas distintas fases e grupos das ligas nacionais que darán comezo o vindeiro día 24 de abril, segundo informa a Federación Galega de Atletismo.
En O Barco de Valdeorras poderemos ver aos oito mellores equipos galegos de en cada unha das categorías clasificados para este encontro.
Os catro primeiros da edición do ano pasado lograban a súa clasificación automática, decidíndose os restantes catro por estadillo de resultados.
Logo desta selección resultaron participantes neste Campionato de Galicia de Clubs Xunta de Galicia os equipos seguintes na categoría feminina: Ría de Ferrol, A.F. Celta, S.G. Pontevedra, E.A. Lucense, ADAS Proinor, Ourense Atletismo, C.A. Santiago e Lucus Caixa Rural.
O Ría Ferrol manda no histórico de títulos
Dentro da categoría feminia, os conxuntos do Ría Ferrol, A. Femenino Celta, Sociedad Gimnástica de Pontevedra e Escola Atlética Lucense son os clubs que máis posibilidades contan con estar nos postos de honra de podio.
Novamente as ferrolás, quenes militan na máxima categoría na liga nacional, defenden o título logrado o ano pasado buscando o que podería ser o seu décimo quinto título autonómico de atletismo.
Tamén están clasificados a tomar parte por estadillos os conxuntos do ADAS Proinor, Ourense Atletismo, C.A. Santiago e Lucus Caixa Rural.
Desde a Sociedad Gimnástica de Pontevedra salientan que, ademais da baixa de Antía Chamosa, o club pontevedrés conta tamén coa ausencia da atleta Inés Blanco, fichaxe para esta tempada. A deportista lucense ten que estar uns meses lonxe da actividade atlética por uns problemas sanitarios.
Para combatir con estas carencias sensibles, Santi Ferrer, director da sección femenina da SG Pontevedra, busca completar o equipo coas atletas que pertenecen aos clubs filiais. Así, estarán nesta cita en O Barco de Valdeorras: Branca Fernández, Candela García, María Ezquerro e Alba Pérez.
Tamen contará a Sociedad Gimnástica Pontevedra co concurso da corredora Eva Arias. Pero no seu caso, a atleta tentará dar a sorpresa. Non vai competir na distancia do 3.000 obstáculos, proba na que é unha especialista. Pola contra, desta volta elexiu a distancia de 1.500m. Aínda que este ano conta con licencia por Castela – León a deportista galega vai competir na casa, na pista de atletismo que a viu medrar.
Esta cita deportiva de atletismo lembrará a figura do xavelinista Luis Nogueira
Na categoría masculina haberá novamente unha interesante disputa entre a Gimnástica de Pontevedra e o Real Club Celta de Vigo. A condición de club militante na División de Honra nacional, outórgalle certa ventaxa ós pontevedreses quenes defendarán o último título logrado no 2019.
Pola súa contra, os vigueses intentarán facer valer os seus cinco títulos logrados nos últimos sete anos e que ademáis os poñen ao fronte do histórico con trece títulos.
Xunto a estes dous clubs estarán tamén competindo polos postos importantes, o A. Santiago, A. Narón, Lucus Caixa Rural, Atletismo Sada, Ourense Atletismo e Marineda Atlético.
O encontro servirá por outro lado, para render homenaxe ao recentemente falecido xavelinista internacional e referente do deste deporte na comarca, Luis Nogueira.
CONSULTA A LISTA DE ATLETAS INSCRITAS NESTE CAMPIONATO GALEGO DE CLUBS
