O CGTD de Pontevedra foi o escenario elixido para os Campionatos de Galicia de Pentathlon de lanzamentos máster, no cal a atleta Marta Sureda, do Lucus Caixa Rural, bateu o récord galego en F50.
Cun total de 2.747 puntos, Sureda estableceu unha nova marca récord na categoría F50, proclamándose ademais campioa neste concurso e sobresaíndo concretametne no lanzamento de martelo de 3 kg, co que sumou 717 puntos.
No tramo F35-45, a protagonista foi Elisabeth Oya, do Comesaña Sporting Club, cunha marca de 2.092 puntos. Seguiuna de preto Irene Fernández, do Club Atletismo Sada, quedando na posición de prata con 1.914 puntos.
En F60 o ouro foi para Ana María Abuín, de Atlética A Silva, que estableceu a súa marca en 2.883 puntos. A súa compañeira de club, María de los Ángeles Rodríguez, quedou nos 2.395.
