Durante esta fin de semana, as mellores atletas Sub-20 reúnense no Campionato de España da categoría, coa presenza de máis de 15 deportistas de Galicia.
Do total de atletas que acuden destaca, por rexistro e ranking, a participación de Paula de la Torre, da SG Pontevedra, que nunha fantástica progresión sobre a proba dos 1.500 m. estará na saída da mesma disputando os postos de honra en todo un nacional.
Nos valos a campiona nacional Sub16 e debutante nesta categoría, Belén García, do ADAS Proinor, perfílase como unha das aspirantes ao podio grazas aos seus 1:01.63 logrados no Barco a mediados de abril.
Continuando cos lanzamentos Sub-20, novamente a internacional e campioa de España Irene Gómez parte como a clara favorita para acadar o título de campiona nacional en martelo nun ano de clara e importante progresión que a farían pasar da barreira dos sesenta metros por dazasete centímetros.
Sen abandoar os lanzamentos Paula Piñón, do A.F. Celta, figura inscrita en nada menos que en peso, disco e xavelina, sendo nesta última disciplina na que xunto a tamén celeste María Pena, estarán ambas na loita polos postos de parte alta da clasificación.
Para rematar, a marcha será o centro de atención coa presenza da campioa galega sub20 Alba Pérez, do Atletismo Negreira, cuxos rexistros colócanna nos postos destacados da proba dos 10.000 m.
As probas das atletas poderán seguirse vía streaming na web da RFEA.
O listado das atletas participantes galegas Sub-20
Ademais destas atletas sub20 destacadas, tamén participarán:
- María Fernández, do Riazor Coruña, nos 400m.
- Carmen V. González, do Atlética Lucense, nos 800m.
- Clara Román, do Celta, nos 800m.
- Marta Barragáns, do SG Pontevedra, nos 100 valos
- Ruth Carrera, do Celta, nos 1.500m.
- Carmen Martínez, do A. Gándara, nos 3.000 obstáculos
- Noa Mirantes, do Marineda Atlético, nos 3.000 obstáculos
- Ariadna Gil, do Vila de Cangas, no triplo salto
- Adriana Reguera, do ADAS Proinor, en lanzamento de martelo
- Victoria Eiriz, do Atl. Lucense, no lanzamento de disco
