Carmiña era o nome polo que o mundo do karate coñecía a esta incansable traballadora que deixou pegada como persoa entre outras cuestións polo trato, a súa disposición permanente a sumar sempre, e como directiva pola súa eficiencia.
Carmen Barro Pita estivo vencellada ao karate primeiro como deportista e logo como directiva. Desde o seu club, o Rendukan de As Pontes, foi aportando ao karate ate asumir responsabilidades primeiro no ámbito galego (presidenta da Federación Galega de Karate e Disciplinas Asociadas) e logo no estatal (videpresidenta da RFEK). A asociación Mudega (Mulleres Deportistas Galegas) recoñecía en 2017 a súa achega ao deporte galego cun premio na súa gala anual.
A Xunta de Galicia tamén trasmitiu o seu “pesar” polo pasamento da presidenta da Federación Galega de Karate (FGK), Carmen Barro Pita, e enviou “súas condolencias a toda a familia do karate galego”. O secretario Xeral para o deporte, José Ramón Lete Lasa, puxo en valor o traballo de Carmiña ao longo destes anos. “Grazas á súa forza e entrega, o karate galego vive hoxe un mellor estado de forma que o que atopou ela á súa chegada”, dixo.
Lete subliñou tamén a importancia do aporte de mulleres como Carmiña que deron o paso de asumir responsabilidades directivas en entidades deportivas e animou a outras a seguir os seus pasos neste camiño.
As redes din adeus a Carmiña
As condolencias polo pasamento desta traballadora do deporte galego sucédense nas redes sociais.
Desde a conta de Twitter da RFEK laiábanse do falecemento de quen era a súa vicepresidenta e cualificaban a perda como “irreparable”. Engadindo que deixa “en xaque á familia do karate durante a celebración do Campeonato de España Senior y para-karate”. A cita deportiva reúne esta fin de semana a deportistas de toda España, tamén galegos, en Leganés.
Desde la RFEK, lamentamos comunicar el fallecimiento de nuestra Vicepresidenta y Pta. de la Federación Gallega, Carmen Barro Pita. Una pérdida irreparable que deja en jaque a la familia del karate durante la celebración del Campeonato de España Senior y para-karate. pic.twitter.com/WVufEpc0gt
— R.F.Española Karate (@RFEKarate) January 18, 2020
Desde UFEDEGA (Unión de Federacións Deportivas Galegas) trasladaban o pésame á familia deportiva e persoal. Lembraban tamén que Carmiña formaba parte da Xunta Directiva desta agrupación de federacións galegas.
Váisenos unha gran compañeira, a Xunta Directiva da UFEDEGA trasládalle o seu pésame a toda a familia de Carmen e a todo o Kárate galego. D.E.P https://t.co/HLfKSwvOMa
— UFEDEGA (@UFEDEGA_) January 18, 2020
Pola súa parte, a Federación Galega de Balonmán falaba de “día moi triste para o deporte galego” e cualifícaa de “loitadora”
Día moi triste para o deporte galego polo falecemento dunha loitadora, a presidenta da Federación Galega de Kárate, Carmen Barro. D-E.P. https://t.co/ZhDwjNoxto
— Federación Galega Balonmán (@fgabalonman) January 18, 2020
Outras federacións rexionais de karate, como a extremeña, trasladaban tamén o seu pesar explicando que o “karate extremeño súmase o sentimento de dor de todo o karate nacional, logo da triste nova do pasamento, esta mañá, da presidenta da Federación Gallega de Karate e vicepresidenta de la RFEK, a nosa querida Carmiña Barro Pita. DESCANSA EN PAZ”.
El karate extremeño se suma al sentimiento de dolor de todo el Karate nacional, tras la triste noticia del fallecimiento, esta mañana, de la Presidenta de la Federación Gallega de Karate y Vicepresidenta de la R. F. E. K, nuestra querida Carmiña Barro Pita.
!!!DESCANSA EN PAZ pic.twitter.com/MyoQljBFfw— FexKarate (@fexkarate) January 18, 2020
Tamén clubs como o San Francisco Teo sumábanse ao recordo a Carmen Barro apuntando que o karate espertara esta xornada cunha “mala nova, o falecemento da presidenta da Federación Galega de Karate, Carmiña, deixando unha profunda pegada de traballo e bo facer pola nosa disciplina. Dende aquí o noso máis sentido pésame á familia”.
Esta mañá a familia do #KarateCSFTeo espertou cunha mala nova, o falecemento da presidenta da Federación Galega de Karate, Carmiña, deixando unha profunda pegada de traballo e bo facer pola nosa disciplina.
Dende aquí o noso máis sentido pésame a familia. pic.twitter.com/m5xB3fAuBS— Club San Francisco Teo (@CSFTeo) January 18, 2020
