En 1987 nace o Gran Premio Cantones Internacional de marcha atlética. A cita celebrouse o 16 de mayo de 1987 á tarde. Aquela primera edición levouse acabo baixo o patrocionio da Deputación da Coruña o Concello da Coruña e a Xunta de Galicia. Xa daquela houbo entre das persoas participantes catro medallistas olímpicos, un campión e seis medallistas europeos.
A calidade e a excelencia tanto organizativa como deportiva asociadas ao Gran Premio Cantones de Marcha, non pasaron desapercibidas para a World Athletics, presidida polo británico Sebastian Coe, que distinguiu a través do seu Consello Directivo en 2019 esta competición coa placa de Patrimonio Mundial do Atletismo.
Elixiuse Cantones xunto a un grupo moi selecto de eventos de todo o mundo como o Maratón de Boston (1897), de Atenas (1972) e tres competicións históricas de campo a través: os campionatos de cross ingleses (fundados en 1877), os campionatos de EE. UU. (1889) e a Cinque Mulini (1933), unha reunión anual en Italia.
Entre a súa brillante historia destaca a celebración da Copa do Mundo de 2006 así como a final da Challenge Mundial de 2011, cuxos ecos de éxito no organizativo aínda perduran. Pero antes, en 1996, disputouse na Coruña a primeira edición da Copa de Europa, levándose os honores individuais o polaco Robert Korzeniowski e a malograda italiana Annarita Sidoti. De igual modo destacadas foron as edicións do ano 2002 coa celebración do Campionato de España.
O día que a chinesa Hong Liu bateu a plusmarca mundial no GP Cantones
Sería o día 6 de xuño de 2015 cando o Gran Premio conseguía talvez a única peza que faltaba para a súa consagración. Na carreira feminina a marchadora chinesa Hong Liu bateu a plusmarca mundial con 1:24:38 aproveitando a enorme calidade do circuíto, internacionalmente recoñecido.
