Fin de semana de éxitos para a Federación Galega de Taekwondo no Open celebrado en Andalucía. As deportistas que representaban a comunidade acadaron varias medallas na categoría absoluta e na júnior e proclamaron a Galicia como campioa na clasificación por equipos absoluta e repetiu en júnior na masculina e acadou unha prata na feminina.
O reparto dos metais entre as e os deportistas galegos estivo moi igualado. En ambas categorías os representantes da Federación Galega obtiveron moi bos resultados, logrando nove medallas as atletas de taekwondo femininas e oito medallas os competidores masculinos.
Cinco medallas femininas no sénior de taekwondo
Entre as participantes da categoría sénior de taekwondo, as galegas conseguiron un ouro, dúas pratas e dous bronces, que se suman ás cinco medallas acadadas polos deportistas masculinos.
Na competición de -57 kg, Alma Pérez, do Suh Sport, fíxose co ouro bencendo á finlandesa Suvi Mikkonen (dous veces olímpica) cun 10-4. No peso -67 kg, Lorena Pardo, do Garrapucho, logrou unha prata ao vencer na semifinal a Sonia Roldán pero caeu na final ante María Jiménez, cun igualado 3-2.
En +67 kg, Elisabeht Piedras, do club Patiño, perdeu na final ante Belén Morán, quen xa derrotara a Desiree Rivadulla, do Suh Sport, na semifinal. O bronce restante foi para María González en -49 kg. A loitadora do club Couto non puido superar na semifinal a Adriana Cerezo.
Éxito para as galegas no campionato júnior
No apartado júnior, as galegas tamén colleitaron éxitos. Concretamente, sumaron catro medallas para o casillerio de Galicia (un outo, dúas pratas e un bronce), que se engaden aos tres ouros dos deportistas masculinos.
Irene Montemuiño, do Natural Sport Videlgi, competiu en -68kg, categoría na que logrou proclamarse campioa tras vencer a Irene Montero pola mínima.
A súa compañeira de club, Lucía Montemuiño sumou unha prata en -49kg, caendo na final ante Elsa Hernández. Tamén logrou un segundo posto Yadira Reimúndez, do Mat’s, na categoría de -55 kg, ao perder fronte a Laura Rodríguez.
A última medalla foi para Aitana Fariña (-44 kg), do club Maniotas), que logrou o bronce, ao perder na semifinal ante Ainara Rojas. Tamén participou Fátima Martínez, que perdeu en cuartos de -63 kg ante Laura Buzón.
