Entre o 4 e o 5 de marzo, Mascate (Omán), acollerá o Campionato do Mundo de Marcha, no que haberá dúas galegas: Carmen Escariz e Antía Chamosa. As dúas marchadoras foron seleccionadas por José Peiro Guixot para competir co combinado español, tal e como informa a Real Federación Española de Atletismo.
Antía Chamosa, atleta do SG Pontevedra, competirá xunto con Lidia Sánchez-Puebla nos 20km. Pola súa parte, Carmen Escariz, do Ourense Atletismo, entra no grupo dos 35km, xunto a Laura García, Raquel González, Mar Juárez e Cristina Montesinos.
A convocatoria feminina complétase coas marchadoras de 10km Eva Rico, Griselda Serret e Lucía Redondo.
