- Un total 244 novos récords galegos foron os batidos este ano 2023 nas súas distintas modalidades e categorías, segundo informa a Federación Galega de Atletismo, que precisa que 116 deles foron en categorías femininas.
Por sexos a categoría masculina con 123 récords é a que máis veces rexistraba novas plusmarcas autonómicas seguidas polos 116 da categoría feminina o que representa a efectos estatísticos, un porcentaxe moi preto da paridade entre homes e mulleres no noso atletismo. Nos relevos mixtos, pruducíronse un total de 5 melloras galegas.
Por escenarios, sigue sendo a pista ao libre a que conte cun maior número de récords batidos con 135 seguidos da pista cuberta con 71 e da ruta con 38.
“Neste aspecto, é moi salientable como a pista cuberta de Expourense inaugurada a finais do ano 2017, logra desde entón máis de douscentos récords autómicos nas súas distintas modalidades, o que pon de manifesto a enorme importancia e os grandes beneficios desta inversión deportiva emprendida pola Xunta de Galicia e tan reivindicada polo atletismo galego”, explican desde a Federación Galega de Atletismo.
No tocante ao apartado de categorías, foi a Sub-16 con 33 novas plusmarcas a que acadaou un maior número de cifras seguidas pola absoluta con 23.
A categoría máster (atletas maiores de 35 anos) conforman o maior colectivo do noso deporte o que se traduce de igual modo na súa maior capacidade para lograr récords galegos. No seu caso, este ano foi de 128 dos cales a categoría máster 45 con 28 foi a que rexistraba un maior índice seguida da máster 50 con 21.
