As atletas Máster galegas acuden ao 55 Campionato de España

Preto de 800 atletas tomará parte no LV Campionato de España Máster ao aire libre que se disputa ata o domingo na localidade gaditana de San Fernando, deles 84 conforman a representación galega. A cita tería que terse celebrado en Málaga entre o 3 e o 5 de xullo, pero a pandemia de COVID-19 impediuno.

Segundo informa a Federación Galega de Atletismo, “polo volumen de participación, esta cita é sen lugar a dúbidas, a máis concurrida polos nosos atletas, superadas tan só polas Comunidades de Andalucía con 397 inscritos e inscritas, Madrid con 290, Catalunya con 123 e Comunitat Valenciana con 116”.

Da ampla delegación galega compre salientar a presenza de Ana Abuín de A Silva quen nos pasados Campionatos de Galicia máster lograría bater o récord de España F60 no concurso de martelo pesado. Esther Pedrosa será outra das atletas a ter moi en conta na cita nacional onde figura inscrita nos 800 m. 1.500 m. e 5.000 m.

As probas de velocidade contarán ca presenza de Goretti Díaz F40 do Samertolameu. Nos 400 e 800 m. competirá Luz María Domínguez W55 do Burgas Ourense e xa nos lanzamentos Irene Fernández F45 do Atletismo Narón, estas deportistas son só algunhas das máis destacadas, sobre o papel nesta cita.

O subcampión europeo máster na proba de marcha Juan Morales del Castillo do Marineda será outro dos puntos de interese do campionato por parte galega. En velocidade competirán os corredores galegos Luis Campos M55 do ADAS Proinor e Rubén Eiriz M40 do Marineda e o seu compañeiro Juan Caamaño M45 do Marineda.

Nos valos e altura Juan Luis Paz na M40 tamén do Marineda. No concurso de lanzamentos estará Javi Viteri M55 do Ourense Atletismo.

Ademáis das citadas e citados, poderemos seguir as evolucións no concurso de disco do campión absoluto Fran Guzmán M45 do C.A. Santiago, a de Basi Bernárdez M45 do A Silva nos fosos de lonxitude e triplo así como a do Campión galego absoluto de combinadas Carlos Ferrer M60 do Narón quen figura inscrito nas probas de valos, disco e martelo.

Máis aló da representación galega nestes campionatos de atletismo estatais, destaca nesta cita deportiva a participación da atleta Rosa Escribano do Playas de Castellón que o pasado ano foi nomeada Mellor Atleta Mundial Máster en probas combinadas. É unha deportista F60 que ten batido o récord do Mundo Máster en combinadas F60 o pasado ano. Rosa Escribano vai competir en altura, lonxitude, 80 valados e 100 m lisos.

Protocolo de prevención da COVID-19 da RFEA

Toda a competicións se desenvolverá seguindo o estrito protocolo de prevención da COVID-19 da RFEA. Así, como en anteriores citas atléticas, unicamente se vai permitir o acceso á instalación a atletas participantes, adestradoras/es nacionais acreditadas/os, e delegadas/os de club acreditados. Non se permite o acceso ao público ou a acompañantes.