A Federación Galega de Atletismo (FGA) xuntouse telemáticamente con parte da Xunta Directa e Comisión Delegada da Asamblea Xeral. Ante a evolución que están tendo os efectos dos contaxios polo coronavirus e seguindo as recomendacións das autoriedades sanitarias e a diposición legais impostas polos gobernos de España e de Galicia, a Federación suspende todo a súa actividade deportiva directa.
A través dun comunicado e co obxectivo de contribuír a evitar a propagación desta enfermidade e protexer a saúde tanto das atletas como dos atletas, os afeccionados a este deporte e demais persoas implicadas na organización dos eventos atléticos, tomou as seguintes decisións.
- 1. Suspender cautelarmente a celebración de todos os campionatos de Galicia 2020 e competicións organizadas directamente por parte da FGA, dende a data de hoxe ata novo aviso.
- 2. Celebrar semanalmente xuntanza da Comisión Delegada e Xunta Directiva para valorar as últimas informacións sobre esta pandemia. En función da evolución dos acontecementos, tomaranse decisións sobre unha posible reubicación no calendario galego das competicións aprazadas ou a súa cancelación, se fose preciso.
- 3. Recomendar a todos os estamentos do atletismo galego que cumpran de forma estrita as medidas establecidas no Real Decreto 643/2020 de 14 de marzo.
- 4. Agradecer a colaboración e comprensión de todos os estamentos do tecido atlético federativo galego ante as medidas que se están adoptando.
- 5. Agradecer aos diferentes colectivos sociais que están loitando día a día para combater esta grave enfermidade.
En base ás informacións e directrices que se poidan recibir por parte das autoridades sanitarias e deportivas de rango superior, a FGA procederá a facer novos comunicados nas vindeiras datas a todos os estamentos do atletismo galego e público en xeral.
