Esta fin de semana darán comezo as grandes citas estatais de atletismo que durantes os vindeiros meses terán á pista cuberta como principal protagonista das competicións españolas. En concreto será o sábado 4 e domingo 5 de febreiro Antequera reciba a un total de 31 deportistas de Galicia que acudirán a tomar parte no Campionato de España Sub23.
📍Relación PROVISIONAL de atletas galegas admitidas no Campionato de España Sub23 de Pista Cuberta (Antequera, 4 e 5 de febreiro de 2023)@GonzacarFord @fdeportegal https://t.co/jlVoRN37ox pic.twitter.com/XGsGHRyZRb
— Atletismo Galego (@atletismogalego) January 31, 2023
Nesta primeira fin de semana de febreiro dispútase en Antequera a 37ª edición do Campionato de España Sub-23 en Pista Cuberta de atletismo. Futuro e presente do noso deporte irán da man no Centro de Tecnificación de Atletismo da localidade malagueña, pois ata cinco internacionais absolutas figuran entre as/os deportistas inscritos na cita deportiva. Tamén estarán dous preseleccionados co equipo estatal de atletismo para o Mundial de Campo a través. Ademais, competirán en Antequera varios medallistas (algún campión mesmo) en Campionatos de España Absolutos e finalistas no pasado Mundial Sub20.
Será a cuarta vez que o Centro de Tecnificación de Atletismo de Antequera acolla o Campionato de España Sub-23 en Pista Cuberta despois de facelo en 2012, 2014 e 2015. A competición, organizada pola Real Federación Española de Atletismo en colaboración coa Federación Andaluza de Atletismo, disputarase en tres sesións: sábado mañá (10:00-13:30 h), sábado tarde (17:00-21:10 h) e domingo mañá (10:00-13:50 h). Será retransmitida en streaming por LaLigaSportsTV, segundo informa a RFEA.
Entre os 428 atletas rexistrados (221 homes e 207 mulleres) atópanse oito campións en Salamanca 2022, dos cales seis defenden título en Antequera: Una Stancev en altura, Eva Cuenca en peso, Mohamed Attaoui en 1.500 m, Pol Oriach en 3.000 m, Daniel Torrero en altura e André Müller en peso, ademais de Lucía Carrillo, que fai 200 m e non 60 m, e Tessy Ebosele, que gañou o ano pasado en triplo e esta vez compite en lonxitude, onde foi subcampioa en 2022.
Tamén participan 21 líderes españois Sub-23 da tempada, tres deles tamén líderes absolutos: Juan Luis Bravo en pértega, Pol Ferrer en heptatlón e Una Stancev en altura, onde ademais foi campioa de España absoluta ao aire libre en 2022.
Atletas de Galicia a seguir en Antequera
De entre todas as e os atletas de Galicia que vaixarán, destacamos a participación nas probas de velocidade da medallista de bronce no galego absoluto Cristina Garrido da Sociedad Gimnástica de Pontevedra, que estará sobre a proba dos 60 m.
Nos 200 m. contaremos ca presenza dos célticos finalistas o ano pasado no estatal Sub-20, Erik Fernández e Roi Martínez malia que será nos 400 m. na que estarán tanto Jorge Román Leiros, do Celta, como de María Fernández, do Universidad de León, medallistas sobre esta mesma distancia nos campionatos de España Sub-23 e Sub-20 respectivamente.
As probas de medio fondo e fondo, serán as que centren boa parte das claras opcións para o combinado galego xa que estarán compitindo casi a totalidade das campioas de España Sub-23 de campo a través da pasada fin de semana en Biscaia: Sara López, Inés Docampo e a campioa galega absoluta dos 1.500 m. María Cedrón, todas do ADAS CUPA, así como Lucía Varela, do Lucus Caixa Rural. Antía Castro, do Running Pinto Seoane, sairá ca segunda mellor marca das participantes sobre os 3.000 m. que a colocan como unha das favoritas ao título. Lembramos que tanto Castro como Docampo, formaron parte do equipo estatal que se proclamaba campión de Europa de campo a través no mes de decembro en Turín.
Na categoría masculina, o campión de España oficioso de campo a través Mehdi El Nabaoui nun excelente estado de forma, será outro dos claros aspirantes ao triunfo da proba dos 3.000 m. Xunto ao estradense estará o atleta do Celta, Hugo García, intentando repetir a excelente actuación do ano pasado que o levaría ata a cuarta posición do nacional Sub-20 nos 1.500 m.
Nos concursos tamén contaremos con presenza destacada de deportistas de Galicia como é o caso dos atletas do Real Club Celta, Sergio Coello en lonxitude e Raúl Cortizo en altura e lonxitude, finalistas na edición pasada.
Sobre o foso de lonxitude, non perderemos de vista á campioa de Galicia absoluta Andrea Villaverde, da Sociedad Gimnástica de Pontevedra, quen intentará mellorar o excelente quinto posto logrado o ano pasado, nin tampouco a Ariadna Gil, do Vila de Cangas, na procura dos mesmos obxectivos sobre a proba de triplo.
Por último especial atención aós finalistas Sub-20 2022 Samuel Lema, do Atletismo Negreira e Marcos Bouza, do Celta en peso; Aitor Fernández, do Super Amara en combinadas, e ao campión de Galicia absoluto do Atletismo Sada Tomás López en pértega.
Información de interese relacionada con este Campionato de España Sub-23 de atletismo:
