- O plan comezou na tempada 2009/2010 con 80 equipos e un orzamento de 2,2 millóns ata acadar os 231 equipos patrocinados nesta última edición e 3,15 millóns de euros
- En setembro de 2021 aprobarase o Plan de Patrocinio correspondente á tempada 2021-2022 que será a edición que contará cun maior orzamento ata chegar aos 3,9 millóns
O secretario xeral para o Deporte, José Ramón Lete Lasa, acompañado polo delegado da Xunta de Galicia , Gonzalo Trenor López, asinou os contratos de patrocinio cos equipos das áreas de Santiago, Ferrol e A Coruña participantes no Plan de Patrocinio Publicitario dos Equipos de Alta Competición de Galicia da Fundación Deporte Galego.
O secretario xeral destacou a importancia dos 31 equipos de Santiago e a súa área (20 masculinos e 11 femininos) que reciben máis de 440.000 euros (442.642,16 euros), o que representa máis do 14% de todo o plan.
No caso da área da Coruña, os seus 46 equipos patrocinados (26 masculinos, 19 femininos e 1 mixto) representan ao 20% dos equipos patrocinados de todo o plan e levarán un total de máis de 540.000 euros (542.291,05 euros). Os 19 equipos da área de Ferrol (11 masculinos, 7 femininos e 1 mixto) suman un importe de máis de 250.000 euros (255.245,63 euros).
En representación de ABANCA, estiveron presentes no acto de Santiago o director da zona do Barbanza, Jesús Soto; no acto de Ferrol, o director da zona de Ferrol, Rafael Montero; no acto de A Coruña, asistíu Mónica Buño, directora da zona de A Coruña.
Un programa de patrocinio que comezou no curso 2009-2010
Nas súas verbas, Lete Lasa apuntou a relevancia dun programa que comezou na tempada 2009/2010 con apenas 80 equipos e un orzamento de 2,2 millóns de euros e que foi medrando ata acadar os 231 equipos patrocinados nesta última edición (125 masculinos, 99 femininos e 7 mixtos) e os 3,15 millóns de euros de orzamento global.
En total, nas súas doce edicións, o Plan de Patrocinio ten chegado xa a 1.617 equipos cun total de 33 millóns de euros, grazas á inestimable axuda de ABANCA, que grazas ao acordo acadado en 2020, seguirá colaborando co deporte galego de alto nivel ata o ano 2024, cunha achega total de 10 millóns de euros desde 2015.
Do mesmo xeito, Lete Lasa agradeceu a colaboración de Turismo de Galicia coa que vén de asinar un convenio por importe de 2,5 millóns de euros para a promoción do deporte galego. Dese montante total, 1,8 millóns de euros estarán destinados ao Plan de Patrocinio Publicitario dos anos 2021 e 2022.
O secretario xeral anunciou tamén que por primeira vez desde a xénese do plan realizarase un cambio nos prazos para adecuar o devandito plan ao calendario de competición dos equipos galegos. Deste xeito, en setembro de 2021, aprobarase o Plan de Patrocinio correspondente á tempada 2021-2022 que será a edición que contará cun maior orzamento ata chegar aos 3,9 millóns de euros.
Os 31 equipos de Santiago e a súa área patrocinados nesta edición 2021 son:
BALONCESTO
- Instituto Rosalía
- CB Peleteiro
- Obradoiro CAB
BÉISBOL
- Asociación Club Leones de Santiago BBC
- Escola de Béisbol e Sófbol Os Tilos Teo
FÚTBOL
- Victoria C.F.
- SD Compostela
- Club Deportivo Conxo Santiago
FÚTBOL SALA
- Santiago Futsal
- Noia Fútbol Sala
VOLEIBOL
- Club Voleibol Bruxas
- Club Voleibol Cabo de Cruz
- Club Voleibol Dumbría
TENIS DE MESA
- Espedregada TM
- Arteal Tenis de Mesa
REMO
- Club de Remo Cabo da Cruz
- Club Tríatlon Arcade Santiago feminino e masculino
- Club Olímpico de Vedra feminino e masculino
DÚATLON
- Club Tríatlon Compostela
TRIATLÓN
- Club Triatlón Arcade Santiago feminino e masculino
- Club Olímpico de Vedra feminino e masculino e a Sociedad Deportiva e Cultural Natación Boiro
PIRAGÜISMO SPRINT
- Club Piragüismo Rías Baixas feminino e masculino
CICLISMO
- Club Ciclista Padronés
KARATE
- Club San Francisto Teo feminino e masculino
Os 46 equipos de Coruña e a súa área patrocinados son:
BALONCESTO
- Maristas Coruña
- Leyma Coruña
- EB Xíria
- CB Culleredo
- Club Sto Domingo Betanzos
BÉISBOL E SÓFTBOL
- Club Béisbol e Sófbol Cambre feminino e masculino
- Druidas BC
FÚTBOL
- Deportivo Abanca
- Victoria C.F.
- Deportivo Abanca B
- RC Deportivo
- Ural Español C.F.
- Club Deportivo Calasanz
- RC Deportivo xuvenil
FÚTBOL SALA
- Viaxes Amarelle FSF
HÓCKEY PATÍNS
- HC Borbolla
- Hockey Club Liceo feminino e masculino
- Hockey Club Compañía de María
- RUGBY
- CRAT – Residencia Rialta
VOLEIBOL
- Autos Cancela Zalaeta
- Calasancias Coruña
PELOTA
- Club de Pelota La Coruña
TRIATLÓN
- Triatlón Arteixo Dúatlon e Triatlón Arteixo masculino e feminino
ESGRIMA
- 100Tolos espada feminino e masculino,
- Club Esgrima Coruña feminino e masculino
- 100Tolos florete
HALTEROFILIA
- Club Halterofilia Coruña A feminino e masculino
- Club Halterofilia Coruña B feminino e masculino
- Club Halterofilia Sulyos
PATINAXE
- Club Sada Patín feminino e masculino
PIRAGÜISMO SPRINT
- Club Náutico Firrete feminino e masculino
- Club Ría de Betanzos feminino e masculino
XIMNASIA
- Clube Ximnasia Tempo
- Ximnasia Acordes (ximnasia
CICLISMO ADAPTADO
- Club Ciclista Riazor (ciclismo adaptado).
Os 19 equipos de Ferrol e a súa área patrocinados son:
BALONCESTO
- Baxi Ferrol
- CB Costa Ártabra
BALONCESTO EN CADEIRA DE RODAS
Abeconsa Basketmi Ferrol
FÚTBOL
- Racing Club de Ferrol S.A.D.
- Racing Club xuvenil
FÚBOL SALA
- Valdetires Ferrol FSF
- A Fervenza FSF
- O Parrulo FS
RUGBY
- Club Rugby Ferrol
TENIS DE MESA
- CTM Cidade de Narón feminino e masculino
PIRAGÜISMO CAIAC POLO
- Club Copacabana
- Club de Remo de Ares
REMO
- A.D. Náutico de Narón
DÚATLON
- Triatlón Ferrol
TRIATLÓN
A.D. Náutico de Narón, Agrupación Deportiva Náutico de Narón
Club Triatlón Ferrol
ATLETISMO
- Club de Atletismo Ría Ferrol
