Disputouse á novena xornada da Liga Xunta Galicia de Break no Centro Galego de Tecnificación Deportiva (CGTD) de Pontevedra. A cita contou coa participación de preto de medio centenar de rapaces e rapazas nas categorías de iniciación, intermedio e avanzado.
Esta competición ten lugar grazas á colaboración da Secretaría Xeral para o Deporte e a Dirección Xeral de Xuventude, Participación e Voluntariado. O secretario xeral para o Deporte, José Ramón Lete Lasa, asistiu á esta novena xornada.
A Liga Xunta de Galicia de Break 2022 chegaba a Pontevedra tras as súas oito primeiras citas na cidades de Lalín (14 de maio), Viveiro (28 de maio), Noia (4 de xuño), Porto do Son (2 de xullo), Verín (27 de agosto), Vigo (10 de setembro), Pontedeume (8 de outubro) e Ourense (5 de novembro). A última xornada será en Santiago de Compostela o vindeiro 26 de novembro.
