Este venres, 12 de febreiro, Málaga acolle a final da Copa da Raíña de Fútbol. Se ben ningún equipo de Galicia estará neste duelo, si haberá representación galega no equipo arbitral. Zulema González é a colexiada encargada de arbitrar neste encontro.
González estreouse esta tempada na terceira xornada da Liga Iberdrola, no duelo entre Real Madrid Femenino e Rayo Vallecano. Repetiu como colexiada nalgúns encontros máis e para a fin do 2020, amosou 16 cartóns, cunha media de catro por partido.
Ademais, Zulema González tamén ten experiencia internacional ás súas costas. A árbitra formou parte do equipo de colexiados no clasificatorio para a Eurocopa 2022 entre Malta e Dinamarca. Neste partido, celebrado o 22 de setembro, Zulema actuou como cuarta colexiada.
Esta fin de semana, outro logro engadirase á súa carreira. A ourensá será a primeira árbitra do encontro que enfronta a FC Barcelona e EDF Logroño. O duelo, que poderá verse en Teledeporte, celebrarase o sábado, 13 de febreiro, ás 17:30 horas.
O cuadro arbitral complétase con María Dolores Martínez como cuarta árbitra, Eliana Fernández como asistente 1 e Rita Cabañero como asistente 2.
As árbitras galegas, presentes en todas as xornadas da Liga Iberdrola
