O Zubileta Evolution Bm. Zuazo será o rival do Atlético Guardés na segunda fase da Copa da SM a Raíña 2021 de balonmán feminino. Iso é o que deparou o sorteo realizado na sede da Real Federación Española de Balonmán. A eliminatoria disputarase a dobre partido celebrándose a ida o mércores 27 de xaneiro de 2021 en Barakaldo e a volta na Sangriña o 30 ou 31.
O Guardés coñecerá esta semana máis detalles sobre o seu futuro. Mañá mércores 25 de novembro, ás 11:00 horas en Viena, celebrarase outro sorteo no o equipo de balonmán da Guarda estará no bombo. Falamos o do sorteo da Last 16 da EHF European Cup.
A Federación Europea indica unha vez máis que non haberá ‘country protection’ polo que o Guardés poderá ter rival español. Tras a retirada da competición do LK Zug suízo, o conxunto do Baixo Miño está á espera de coñecer o seu camiño na competición continental.
O rival do Guardés sairá do bombo 1 no que están:
- COR Vitoria-Berestie (BLR)
- HC Lokomotiva Zagreb (CRO)
- ZRK Bjelovar (CRO)
- Balonmano Elche (ESP)
- Rocasa Gran Canaria (ESP)
- ZRK Naisa Nis (SRB)
- SPONO Eagles (SUI)
- Yalikavaksports club (TUR)
Peche do 2020 con vitoria
A competición oficial para o Atlético Guardés en 2020 chegou ao seu termo este fin de semana con vitoria en partido aprazado da quinta xornada de Liga Guerreras Iberdrola contra o Aula Alimentos de Valladolid (26-22). Agora, o club galego atópase á espera de que o Comité Nacional de Competición dea o visto e prace á data proposta por Guardés e Málaga para xogar o partido da sétima xornada.
